Corrado Melis
| Corrado Melis | |
| pìscamu de sa Crésia catòlica | |
| |
| Tìtulu: | pìscamu de Otieri |
| Incàrrigos atuales: | segretàriu de sa Ces |
Corrado Melis (Sàrdara, 11 de martzu 1963) est unu pìscamu catòlicu italianu, de su 18 de argiolas 2015 pìscamu de Otieri.
Biografia[modìfica | modìfica su còdighe de orìgine]
Nascit in Sàrdara, in sa diòcesi de Abas-Terraba, su 11 de martzu 1963.
Pesadia e ministèriu satzerdotali[modìfica | modìfica su còdighe de orìgine]
In su 1974 intrat in su seminàriu minori diocesanu de Biddacidru, e apustis de sa maturidadi clàssica, sighit su cursu de stùdius po su presbiterau ande sa Pontifìcia facultadi teològica de sa Sardigna in Casteddu, de su 1983 a su 1988, cunsighendisì sa licèntzia in teologia.
Su 25 de làmpadas 1988 est ordinau presbìteru de su pìscamu Giuanni Pàulu Gibertini po sa diòcesi de Abas-Terraba.
Apustis de s'ordinatzioni presbiterali coberit s'incàrrigu de vicàriu parrochiali in sa parròchia de santa Bàrbara in Biddacidru e de assistenti diocesanu de is giòvunus de Atzioni Catòlica, de su 1988 a su 1993. Est viceretori de su seminàriu diocesanu in Biddacidru de su 1991 a su 1994, animadori in su Pontifìciu seminàriu regionali de sa Sardigna in Casteddu de su 1993 a su 1998, diretori de s'Ufìtziu catechìsticu diocesanu de su 1994 a su 2004. De su 1996 a su 2001 est capellanu in Montevecchio e, de su 1998, fintzas vicàriu e posca aministradori parrochiali de santu Nicolò in Gùspini. De su 2001 a su 2011 est pàrracu de santu Bennardinu in Mòguru. Est in prus vicàriu episcopali po s'evangelizatzioni e s'annestru, diretori de s'Ufìtziu diocesanu de sa Pastorali de sa famìllia e diretori de sa Pastorali de s'ecumenismu. Est membru de su Collègiu de is consultòrius e de su Cunsìgiu diocesanu po is Afaris econòmigus. De su 2011 est pàrracu de sa parròchia de santa Barbara in Biddacidru.
Ministèriu obispali[modìfica | modìfica su còdighe de orìgine]
Su 18 de argiolas 2015 papa Franciscu ddu nòminat pìscamu de Otieri; sucedit a Sergio Pintor, giai dimìtiu po làcanas de edadi[1][2]. Su 13 de cabudanni sighenti arricit s'ordinatzioni obispali, in pratza Giuseppe Garibaldi in Otieri, de s'archipìscamu Giuanni Angelo Becciu, co-cunsagrantis is pìscamus Giuanni Dettori e Serbestianu Sanguinetti. In s'acabbu de sa celebratzioni pigat possessu de sa diòcesi in sa catedrali de s'Imaculada.
Su 9 de làmpadas 2020 est elìgiu segretàriu de sa Cunferèntzia obispali sarda[3].
Genealogia obispali[modìfica | modìfica su còdighe de orìgine]
Sa genealogia obispali est:
- Cardinali Scipione Rebiba
- Cardinali Giulio Antonio Santori
- Cardinali Girolamo Bernerio, O.P.
- Archipìscamu Galeazzo Sanvitale
- Cardinali Ludovico Ludovisi
- Cardinali Luigi Caetani
- Cardinali Ulderico Carpegna
- Cardinali Paluzzo Paluzzi Altieri degli Albertoni
- Papa Beneitu XIII
- Papa Beneitu XIV
- Papa Clementi XIII
- Cardinali Marcantonio Colonna
- Cardinali Giacinto Sigismondo Gerdil, B.
- Cardinali Giulio Maria della Somaglia
- Cardinali Carlo Odescalchi, S.I.
- Pìscamu Eugène de Mazenod, O.M.I.
- Cardinali Joseph Hippolyte Guibert, O.M.I.
- Cardinali François-Marie-Benjamin Richard
- Cardinali Pietro Gasparri
- Cardinali Clemente Micara
- Cardinali Antonio Samorè
- Cardinali Angelo Sodano
- Cardinali Giovanni Angelo Becciu
- Pìscamu Corrado Melis
Referèntzias[modìfica | modìfica su còdighe de orìgine]
- ↑ Rinunce e nomine. Nomina del Vescovo di Ozieri (Italia), in press.vatican.va. URL consultadu su 13 settembre 2015.
- ↑ Dal 10 dicembre 2012, giorno della rinuncia di mons. Pintor, era amministratore apostolico di Ozieri Sebastiano Sanguinetti, vescovo di Tempio-Ampurias.
- ↑ Vescovi al lavoro per seminario regionale e nota pastorale su "Amoris Laetitia". Mons. Melis eletto segretario, in sardegna.chiesacattolica.it, 12 giugno 2020. URL consultadu su 12 giugno 2020.