Jump to content

Cuntierra:Ortueri

Page contents not supported in other languages.
Dae Wikipedia, s'entziclopedia lìbera.

Comente de seguru ais giai notadu totus, in custas dies so importende sos testos de unu libru publicadu dae sa Provìntzia de Nùgoro in su 2014, chi nos at permìtidu de l'impreare inoghe unas cantas dies a oe. Pro custa resone, in sos artìculos in ue bi fiat giai una versione fata in un'àtera grafia, apo postu su template suo e creadu sa versione in LSC pigada dae ue. Inoghe, però, b'at unu problema, ca custa grafia est una grafia locale de mesania (fortzis pròpiu Ortueresu) chi non dia ischire comente categorizare cun sas tres chi impreamus nois. Mi paret chi a la mutire "campidanesa", "logudoresa" o "nugoresa" diat èssere a fortzare meda sa cosa. Duncas bos pedo si pro bois diat èssere un'idea bona a nche l'adatare diretamente a sa LSC, lassende sos pronùmenes, su lèssicu e totu su restu su prus chi si podet comente sunt. Mi paret chi diat èssere sa manera mègius pro risòlvere sa chistione.--L2212 (talk) 01:28, 6 Nad 2021 (CET)[risponde]

Apu tentu su pròpiu problema duus annus a oi cun Linux, comenti descritu in sa pàgina de cuntierra. Custa pàgina, comenti e chi siat, no si-ndi stèsiat meda de sa LSC: ponendi-dda in su CROS sa parti manna de is faddinas sinnaladas pertocant is acentus, duncas creu chi fatzat a sighi scriendi-dda in LSC. --PNNu (talk) 15:34, 6 Nad 2021 (CET)[risponde]
Salude L2212, acabo imoe·imoe de lìgere s'artìculu e sa beridade est ca, a diaderus, s'allega est agiomai pròpia a sa LSC. Su chi si diat dèpere curregire, comente naras tue sunt isceti unas pagas cosas ortogràficas. Deo dia lassare pro esempru fintzas funti->funt, in logu de su LSC sunt (mancari est pròpiu su chi ses proponende tue) e a coa a parre miu si podet categorizare in sa LSC. Sa matessi cosa balet pro is àteras biddas de cussa zona, chi giai tenent artìculu cumpridu. --Mattafalluga (talk) 15:46, 6 Nad 2021 (CET)[risponde]
Ab, gràtzias medas a ambos. @Mattafalluga eja, pro sa chistione de funti>funt b'apo pensadu fintzas deo, ma como chi so andadu a fàghere una chirca non so resèssidu a agatare esèmpios in LSC cun cussa paràula iscrita gasi. Duncas so dudosu, non so cumbintu chi siet su casu de iscrìere una cosa si semus seguros chi in cussa grafia siat un'errore ortogràficu.--L2212 (talk) 16:53, 6 Nad 2021 (CET)[risponde]
Mh, no isco bene ite nàrrer, nimmancu mi dia atrivire a cambiare meda-meda faeddos de s'allega de una bidda pro ddos adatare a s'istandard. A coa nos torrant a nàrrer meres de... ahahaah. Est sa resone pro chi semper apo tìmidu a iscrìere in is artìculos de àteras biddas. Annotamala creo ca pròpiu proite s'assimbìgiat a s'istandard de asi meda, tocat a ddu tocare pagu, ca est unu documentu de importu a testimonia ca sa LSC non dd'ant fata isceti sètzidos a una mesa. A bìere chi calincunu tenet àteras bideas. Bellu diat èssere si un'ortueresu nos naraiat su parre suo.--Mattafalluga (talk) 17:45, 6 Nad 2021 (CET)[risponde]
Ahahah isperemus chi non torrent a incumintzare! Su chi naras est interessante, però b'est su problema de evitare chi un'artìculu abarret blocadu a pustis de annos. Pro nàrrere s'idea inoghe fiat de lu cambiare meda dae s'incumintzu, non pro àteru ma ca su testu chi bi depo pònnere est meda prus longu (pagu prus o mancu che a sos ùrtimos chi apo postu). S'artìculu non diat abarrare cussu su matessi, francu chi non lu sarvamus in carchi àteru logu. Mancari diamus pòdere creare una setzione "limba" in s'artìculu chi mandet a sa versione atuale in sa cronologia pro fàghere bìdere comente est iscritu s'ortueresu (si ortueresu est, ma penso chi eja). --L2212 (talk) 18:30, 6 Nad 2021 (CET)[risponde]
Deu creu chi fintzas a candu funt sceti una pariga de fueddus in su testu càncua ecetzioni si potzat acetai. Dd'ant giai fatu innantis de nosu autoris de importu. Apu agatau fintzas artìculus chi ponint "istètidu" in logu de "istadu". S'ùnicu "problema" est chi calincunu una dii at a arribai in sa pàgina, at a biri "funt" e dd'at a cambiai cun "sunt" chi est parti de sa norma. No nci podeus fai meda, ma bolit nau chi "sunt" est fintzas me is Arrègulas impari cun "funt", duncas est bonu po totu sa Sardìnnia. --PNNu (talk) 19:02, 6 Nad 2021 (CET)[risponde]
@PNNu seu de acòrdiu in totu e po totu impari cun tei, po unì sa limba de manera chi siat de totus tocat a essi elàsticus, cosa chi fiat istada fintzas giai immaginada (de manera pagu crara) candu sa LSC dd'aiant congiminada. @L2212 Ti naro comente dda bio deo: creo ca is chi traballamus a inoghe tenemus totus sa sensibilidade giusta a pitzu de custos temas. Agiùnghere informatziones est sa parte prus importante de Wikipèdia, duncas, cambia·ddu comente ti paret mègius a tie. S'incasu chi arribbet carchiunu a s'opònnere, nd'amus a torrare a chistionare. Tenes resone: s'artìculu non podet abarrare blocadu annos.--Mattafalluga (talk) 20:08, 6 Nad 2021 (CET)[risponde]
A sa fine apo isseberadu de cambiare cussos pagos "funt" chi bi fiant, ca de su testu originale nde b'est abarradu pagu, cun petzi duos de cussos, e ca dia prefèrrere a non mi pònnere deo a fàghere emendamentos a sa LSC inoghe si non sunt cosas de terminologia chi mancat o chi est tropu diferente a beru o giai fatas in aterue, ca timo chi si nono diamus a arriscare de abèrrere dibatas mannas medas. Apo imbetzes chircadu de adatare su testu nou a s'istile chi bi fiat in s'artìculu, e pro sa chistione de su de lassare una testimonia de su limbàgiu apo postu unu ligàmene a una versione anteposta in ue apo petzi curretu unas cantas faddinas ortogràficas. No isco si pro bois andat bene, o si diat èssere mègius a mudare carchi cosa.--L2212 (talk) 20:44, 8 Nad 2021 (CET)[risponde]
As fatu bene L2212. No semus a inoghe pro emendare sa LSC nois àteros, depimus sighire unu mètodu pro fàghere unu traballu sèriu, e tue a parre miu dd'as fatu.--Mattafalluga (talk) 21:03, 8 Nad 2021 (CET)[risponde]
AB, tando l'apo a lassare gasi. Gràtzias meda dae nou pro s'agiudu!--L2212 (talk) 22:42, 9 Nad 2021 (CET)[risponde]

Ligàmenes esternos modificados (Trìulas 2023)[modìfica su còdighe de orìgine]

Salude a totus,

Como como apo modificadu in manera automàtica 1 ligàmene(s) esternu(os) in Ortueri. Pro praghere averguade sa modìfica mea. Si tenides preguntas o bisongiades chi su robot ignoret sos ligàmenes o sa pàgina de su totu, bisitade custa pàgina de sas PF pro àteras informatziones. Apo fatu custas modìficas:

. Pompiade·bos sas preguntas fitianas pro informatziones in subra de s’acontzu de sos errores cun su robot.

Adiosu - InternetArchiveBot (cuntierra) 02:19, 9 Trì 2023 (CEST)[risponde]