Dr. Drer & CRC posse

Dae Wikipedia, s'entziclopedia lìbera.


Artìculu in LSC

Is CRC posse o Dr. Drer & CRC posse sunt una truma musicale sarda ativa dae su 1991, cunsiderada una de is posse prus antigas in s'Istadu italianu, e fintzas artistas de ispicu de su panorama sardu.

Dr. Drer & CRC posse
Connotu fintzas comente CRC posse
Orìgine Casteddu, Sardigna
Gènere musicale Hip Hop, Ragamuffin
Annos de atividade 1991 - oe
Artistas assotziados Enzo Saporito
Francesco Capuzzi
Andrea Pisu
Tore Augus
Papet J
Giassu http://www.crcposse.org/
Membros Dr. Drer
Alex P.
Riccardo "Frichi" Dessì
Giorgia Loi
Mauro Mou
Giuanni Siccardi

Casteddajos, sunt intre is grupos musicales sardos prus connotos pro more de s'impreu de sa limba sarda. Sa mùsica issoro est un'ammisturu de rap, reggae e sonos traditzionales sardos. In orìgine, sa banda fiat formada dae is tres rappers Michele Atzori, Mauro Mou e Silvestro Ziccardi e su Dj Alessandro Pintus, in arte Alex P. Sunt istados ativos meda in sa prima metade de is annos 90 in Sardigna in festas, cuntzertos e sound system durante manifestatziones de pratza, e ant tentu carchi annu de pàusa intre su 96 e su 98. Posca, est Michele chi, pighende su nòmine Dr. Drer de solista, e paris cun Alex P., torrat a cumintzare s'atividade cun s'àuto-produtzione Ajò!. Sa truma si ricomponet in su 2001, in unu cuntzertu istòricu in s'Universidade de Casteddu, paris cun is Ratapignata, pro finantziare su biàgiu a Gènova de is manifestantes casteddajos a su G8.

A pustis de unu segundu CD, Sega sa cadena, àuto-prodùidu in duamìgia còpias e àuto-distribuidu, sa truma càmbiat formatzione in su 2008: Silvestro essit de sa truma e intrant Giorgia Loi, giai cantante in is Tanca Ruja e in is Andhira; Giovanni Siccardi a sa boghe, cun esperièntzias hardcore e combat folk che a baterista, e Riccardo Dessì (nòdidu comente Frichi) comente a bassista elètricu.

Sa truma, cun una formatzione e una direta rinnovadas, produet duos CD (In sa terra mia in su 2010 e Cosa bella frisca in su 2012), partetzipende a vàrios fèstivals, e collaborende cun paritzos mùsicos, sardos e no. Tra is prus nòdidos is Assalti Frontali in sa cantzone "Pulima" e Enzo Saporito de is Kenze Neke in sa cantzone "In sa terra mia".[1][2] Su discu de su 2012 imbetzes est caraterizadu in carchi ala dae su mutetu, e fintzas dae is contributos de mùsicos de sa traditzione isolana: Francesco Capuzzi, inventore de sas "elettroneddas" (launeddas eletrònicas), Mondo Usai (costruidore e re-inventore de istrumentos traditzionales sardos), su giòvanu Andrea Pisu, afirmadu sonadore de launeddas, Tore Agus, fisarmonitzista traditzionale.

Fintzas si ant dae semper prodùidu is pròpios CD, si sunt fatos connòschere in s'Istadu italianu e a s'èsteru, e ant bintu su SUNS fèstival de sa cantzone in limba minoritària de Udine in su cabudanni 2009, e su LIET Fèstival Europeu de Mùsica in is Limbas Minoritàrias in su santugaine 2009.[3]

A freàrgiu 2013, cun sa cantzone "Casteddu 43", realizant sa sigla de su documentàriu Rai Cagliari 1943. Quando scappavamo col cappotto sul pigiama.[4]

In austu 2013 partètzipant a su tour Abbacua, subra de is temas de s'abba, cun Papet J de is Massilia Sound System.[5]

In abrile 2017 essit su CD Cabudanni, chi benit emìtidu in prus de 40 ràdios de 15 paisos de tres continentes.[6]

Formatzione[modìfica | modìfica su còdighe de orìgine]

  • Dr. Drer (boghe)
  • Alex P. (computer, sintetitzadores, scratch)
  • Riccardo "Frichi" Dessì (bassu, boghe)
  • Giorgia Loi (boghe)
  • Mauro Mou (boghe)
  • Giuanni Siccardi (boghe)

Discografia[modìfica | modìfica su còdighe de orìgine]

Albums de istùdiu[modìfica | modìfica su còdighe de orìgine]

  • 1993 Love and Peace de Casteddu
  • 1999 AJÒ!
  • 2005 Sega sa Cadena
  • 2010 In sa terra mia
  • 2012 Cosa bella frisca
  • 2017 Cabudanni

Riferimentos[modìfica | modìfica su còdighe de orìgine]

  1. PULIMA - DR.DRER&CRCPOSSE + ASSALTI FRONTALI. URL consultadu su 10 austu 2021.
  2. http://www.youtube.com/watch?v=bg20p-awgtc
  3. Suns, in web.archive.org, 31 santugaine 2013. URL consultadu su 10 austu 2021 (archiviadu dae s'url originale su 31 santugaine 2013).
  4. (IT) 1943, quando scappavamo col cappotto sul pigiama, in La Nuova Sardegna. URL consultadu su 10 austu 2021 (archiviadu dae s'url originale su 10 austu 2021).
  5. Abbacua, in abbacua.org. URL consultadu su 2 ghennàrgiu 2019 (archiviadu dae s'url originale su 5 santandria 2013).
  6. (IT) Dr. Drer & Crc Posse, successo per 'Cabudanni': l'album trasmesso in 15 Paesi su 3 Continenti, in Sardiniapost.it, 1º trìulas 2017. URL consultadu su 10 austu 2021.

Collegamentos esternos[modìfica | modìfica su còdighe de orìgine]

Controllu de autoridadeMusicBrainz 4445a508-58cf-4512-beed-09c1ae771cc9