Kenze Neke
Articulu in nugoresu
Sos Kenze Neke sunt unu grupu musicale de genere rock cantatu in Sardu, naschint in Thiniscole in su 1989.
Su numene Kenze Neke (chentza neghe) est dedicatu a Michele Schirru, anàrchicu sardu chi aiat pessatu de bochire a Benito Mussolini.
Istoria de su gruppu
[modìfica | modìfica su còdighe de orìgine]Sos fondatores de su gruppu sunt Enzo Saporitu a sa boche e chitarra e Sandro Usai a sa bateria, unn s'azunta de Toni Carta in su 1990 a su bassu; essit in cust'annu Kin sas armas o kin sas rosas, demo autoprodottu cun Luciano Sezzi a su sassofonu comente ospite. Otto branos chi cumprendene "Americanos a balla ki bos bokene" e "Kenze Neke".
In su 1991 Sandro Usai partit militare e intrat Guido Forlano a sa bateria, a sichire Massimo circelli a sa chitarra solista e Stefano Ferrando, bateria e boche, chi at a picare su postu peri de Guido Forlano; intrat in su gruppu Massimo Loriga, chi at a sonare su sax e su sonete a buca. Su sonu de su gruppu picat forma in d'unu genere chi variat trae su rock, su punk, s'iska, su reggae, cunn tematicas sotziales chi vaeddan de sa Sardigna e de sos problemas istoricos de s'isola (bases militares, alcolismu, droga), chin collaboraziones chin sos tenores (su tenore Luisu Ozzanu at a cantare Sa Maddalena aperende "Americanos").
In su 1993 su primu discu: "Naralu! De uve sese", chi presentat branos de su primu demo torratos a arranzare e sonare. In cust'annu Toni Carta lassat su gruppu e nde picat su postu Claudio Roccia a su bassu, chi at a sonare in su secundu discu de su gruppu, doppiu: "Boghes de pedra", in uve enin utilizatos sos istrumentos de sa tradizione sarda: sas launeddas, sa trunfa, su sonete.
In tournee in ziru in Europa pro presentare su discu: Ispagna, Francia, Germania, Belgiu, Olanda, Svizzera, sos Kenze Neke enin acumpannatos dae unu gruppu de ballu sardu e de cantu a tenore de Thiniscole.
Sonan in su discu e a pustis in cuncertu fintzas a su 1995: Andrea Pinna a su sax baritonu, launeddas, flauto traverso, Gianni Cherchi a su sonete, Luciano Sezzi a su sax contraltu. "Boghes de pedra" cumprendet branos istoricos de sa traditzione sarda: "Su patriottu sardu a sos feudatarios" de Innassiu Vrantziscu Mannu, "A Nanni Sulis" de Peppinu Mereu, "Su balente". Massimo Loriga paris chin Massimo Circelli lassant su gruppu. A sa kitarra solista intrat duncas Antonello Cossu, Gavino Murgia a sas launeddas e sassofonos.
In su 1998 essit "Liberos, rispettatos, uguales", chi idet in istudiu sonare sa bateria Giampaolo Conchedda. Dal vivo su discu l'at a sonare Carlo Sezzi. Custu discu tenet branos importantes, comente sa matessi "Liberos," de Peppino Mereu, "Pantanu", de su gruppu corsu Cinqui sò, "Entula", e "Pratobello" de su gruppu Rubanu de Orgosolo, e peri "Black Panther", dedicata a su Movimentu de liberazione de sos nieddos de America.
Su 2000 est s'annu de "Kenze Neke", discu antologicu de dech'annos, sonatu e cantatu paris chin Lalli, Francesco di Giacomo, Picchio e Sigaro de sa Banda Bassotti, Max Furian at a sonare sa bateria. Su discu torrat a proporrere branos istoricos comente "Zente", "Americanos", cantatos peri in frantzesu, bascu e ispagnolu, paris chin cover de sa Banda Bassotti "Barboni" cantata dae Lalli (sa canthone Zente l'at a cantare in sardu), de sos Franti ("Sa oke tua") e Francesco di Giacomo chi cantat in sardu "Black Panther"; Picchio e Sigaro de sa Banda Bassotti cantana in italianu "Kenze Neke".
A pustis de "Kenze Neke", chimbe annos chenza sonare, fintzas a sa detzisione de torrare paris pro unu cuncertu in su mese de austu de su 2006 in Solarussa, e sa registratzione de unu discu dvd live dae su titolu "Artziati entu", cun tottus sos musicistas istoricos torra in su parcu.
Discografia
[modìfica | modìfica su còdighe de orìgine]Demo tape
[modìfica | modìfica su còdighe de orìgine]Albums de istudiu
[modìfica | modìfica su còdighe de orìgine]- 1992 – Naralu! De uve sese
- 1994 – Boghes de pedra
- 1998 – Liberos, rispettatos, uguales
- 2000 – Kenze neke
Collaboratzionis
[modìfica | modìfica su còdighe de orìgine]- 1996 – Gherramus tott'impare (mini CD in collaboratzione de s'Askra)
Albums live
[modìfica | modìfica su còdighe de orìgine]- 2006 – Artziati entu vol. 1
- 2007 – Artziati entu vol. 2
Ligas a foras
[modìfica | modìfica su còdighe de orìgine]- Situ ufitziale Archiviadu su 17 austu 2011 in s'Internet Archive.
| Controllu de autoridade | MusicBrainz 3a888625-2a70-454d-841b-c548d1c3604a |
|---|