Greyhound Lines
Greyhound Lines, Inc., chi tenet sa sea sua in Dallas, Texas, est un'impresa de trasportu interurbanu de passizeris in postales chi servit addae de 3.700 destinos in sos Istados Aunidos, su Cànada e su Mèssigu, operende suta de su logo de unu gargu trinchitadore. Fiat istada fundada in Hibbing, Minnesota, in su 1914, e costituìda comente sotziedade peri assiones in su 1929, retzende su nùmene de Greyhound Corporation.
A dies de oe, sa sea sua s'agatat in s'aderetu de 350 North St. Paul Street, Dallas, Texas, e est propiedade de sa firma de trasportos britànniga FirstGroup, chi zestionat Greyhound comente assotziada independente de una partzidura de FirstGroup America.
Servìtzios[modìfica | modìfica su còdighe de orìgine]
Greyhound òperat in 121 lìnias servende prus de 3.700 destinos istadunidesos, canadesos e messiganos. Sos servìtzios regulares de Greyhound cumpetint cun s'automòbile privada, sas cumpanzias abiàtigas de costu bassu e àteras cumpanzias postalencas interurbanas.
Greyhound Express[modìfica | modìfica su còdighe de orìgine]
Greyhound Express est unu servìtziu de costu bassu dae tzitade a tzitade chi faghet pagas o peruna arressada in cumparadura cun una lìnia tradissionale. Sas tarifas moent dae 1 dòllaru e, diferentemente dae àteras lìnias de Greyhound, totu sos billetes bèndidos dae Greyhound Express sunt pro seidorzos reservados e non b'at subrareservadura. Sos passizeris sunt assinnados a unu grupu de moida, su chi cheret narrer chi sos passizeris chi còmporant sos billetes issoro in antis, nch'àrtiant a su postale e issèberant sos seidorzos in antis. Greyhound Express impreat petzi e ebia postales reformados echipados cun Wi-Fi, leadas de currente, seidorzos de pedde e tretu annanghedore pro sas ancas. Su servìtziu est cumintzadu in su 2011 e est cuntzìbidu pro cumpeter deretamente cun trasportadores de costu bassu che Megabus.
Seguràntzia[modìfica | modìfica su còdighe de orìgine]
Greyhound at atribuìdu un'importu onzi bia prus mannu a sa seguràntzia a bordu de sos postales. In fatu de sos atentados terroristas de s'11 de cabudanni de 2001, sa seguràntzia in sos trenos e in sos aparèchios est istada aumentada in manera cussideràbile, peroe su matessi no est acontèssidu pro su chi prendet sos postales. Non b'at nen cùmpudu de bagazos nen cuntrollu de documentos de identidade. Cunforme a Greyhounds, sos postales sunt istados probidos de paredes de seguràntzia, peroe non paret ch'issas siant impreadas cun regularidade.
In una cunferèntzia de imprenta de 2007, Greyhound aiat annuntziadu chi unu programma pilotu pro testare diferentes medidas de seguràntzia diat esser istadu aprigadu inche unas cantas istassiones e in unos cantos postales mustra cumintzende in intro de s'annu.
In su frearzu de 2013, in cullaboradura cun DriveCam, Greyhound at installadu telecàmaras de bizilàntzia in totu su parcu suo pro aumentare sa seguràntzia e sa cunformidade de sos tzaferros cumbinende anàlisis bìdeu de sos datos cun su sighimentu e s'insajadura in tempus reale de sos ghiadores.