Malabo

Dae Wikipedia, s'entziclopedia lìbera.
Jump to navigation Jump to search

Coordinatas: 3°45′07.43″N 8°46′25.32″E / 3.752064°N 8.7737°E3.752064; 8.7737

Flag of Sardinia, Italy.svg
Artìculu in LSC
Flag of Sardinia, Italy.svg

Malabo
Posidura in s'istadu

Malabo est una tzitade e capitale de sa Guinea Ecuatoriale. Situada in sa costa setentrionale de s'ìsula de Bioko (in passadu Fernando Poo), tenet una populatzione aprossimada de 300 000 bividores.

Sa tzitade fiat fundada dae sos inglesos, chi aiant locadu s'ìsula dae s'Ispagna, in su 1827. Batiada Port Clarence, fiat impreada comente a istatzione navale in su tentativu de suprimire su cummèrtziu de sos iscraos. Medas iscraos comente fiant liberados bi fiant aposentados, in antis de sa fundatzione de sa Sierra Leone che a colònia pro sos iscraos liberados. Mentras medas de issos a fatu si fiant trasladados a Sierra Leone, unos cantos de iscratza issoro, narados Fernandinos, si podent galu agatare in Malabo e in s'àrea a ròdiu, in ue costituint unu grupu ètnicu distintu e faeddant unu dialetu issoro afro-portughesu.

Cando s'ìsula fiat torrada suta de su controllu ispagnolu cumpletu, Malabo fiat torrada a batiare Santa Isabel. Fiat isseberada in su 1969 pro sostituire sa tzitade de Bata (posta in su continente) che a capitale de sa natzione e aiat cambiadu nùmene in Malabo in su 1973, in sinu a sa campagna de su presidente Francisco Macías Nguema pro remplasare is topònimos istràngios cun nùmenes "autènticos" africanos.

Durante su regnu "de su terrore" suo, Macías Nguema aiat agiomai ispèrdidu sa minoria Bubi, chi formaiat sa majoria de sa populatzione de s'ìsula de Bioko, e aiat batidu medas elementos de sa tribù sua, is Fang, a Malabo. In is annos finales de su guvernu suo, cando sa Guinea Ecuatoriale fiat nòdida fintzas che a sa "Auschwitz Africana", manna parte de sa populatzione de sa tzitade si fiat fuida, gasi comente casi su de tres unu de sa populatzione de sa natzione. Malabo si depet galu torrare a pesareare dae is feridas de cussu perìodu.

Àteros progetos[modìfica | modìfica su còdighe de orìgine]