Mateu Boe
Articulu in logudoresu
Mateu Nicolau Boe, connotu comente Mateu Boe (Lùvula, 9 de santandria de 1.957), est unu sardu in intro de su banditismu, unu de sos prus fentomados de s’ìsula paris cun Grassianu Mesina.
Est famadu in modu particulare pro esser istadu unu de sos duos ùnigos presoneris a resessire a evader dae su penadorzu de s’Ainara. Detènnidu e cundennadu a 16 annos de presonia in fatu de sechestru de Sara Niccoli, Boe fiat resèssidu, paris cun Sarvadore Duras su sodale, a si nche fuìre dae sa presone famada s’unu de cabudanni de 1.986 impreende una motoneumàtiga. Pro custa evasura, l’aiant incrividu àteros bator annos de presonia. In su 1.988, fiat istadu imboligadu in su sechestru de Giulio De Angelis s’imprendidore romanu, recatadu in sa Costera Ismerarda su 12 de làmpadas e alliberadu su 31 de santugaìne de su matessi annu a pustis de su pagamentu de una luissione de 3.000 milliones de francos betzos.
De bandidadore, est inditadu comente unu de sos architetos de su sechestru de Farouk Kassam su minore. Su 13 de santugaìne de 1.992, est detentu, a inditamentu de sas Chesturas de Nùgoro e Tàtari, dae sa polima frantzesa in sa bidda corsigana de Portu Betzu, in ue fiat barighende carchi die impare cun Laura Manfredi sa cumpanza e sos duos fizos Luisa e Andria. Pustis tramudadu a sa presone de Marsella, cun s’acusa de possedimentu de armas e decraradura de identidade farsa, est inditadu formalmente dae sa mazistradura italiana comente unu de sos cumandadores e de sos isecutadores materiales de su sechestru Kassam, e pro custa resone est presentada una dimanda de istraditamentu.
In su 1.995, est istraditadu pro su protzessu relativu a su sechestru Kassam, in fatu de su cale at a esser cundennadu in su 1.996 a binti annos de presonia. Su 25 de santandria de 2.003, est ochìida in un’impostada sa fiza prima nàschida Luisa Manfredi, de 14 annos ebia. S’obetivu de s’iscàrriga de prumones, chi l’aiat ferta in manera mortale a sa cuca in s’ìnteri chi si nche fiat iscampiende a su barcone de sa domo de Lùvula pro isterrer sa linzeria, cunforme a sos inchertadores fiat forsis sa mama de Luisa Manfredi, dadu s’assimizu cussideràbile cun sa fiza.
Pro custu crìmine s’isvilupant duas pistas de imbestigadura: una tenet in cussìderu su mortorzu apentale, pro su cale fiat resurtadu inchertadu unu bintibatorarzu, posteriormente iscausadu in manera cumpreta dae sa Cassadura, cando chi s’àtera ipòtesis est chi bi siant cunnotaduras polìtigas, dadas sas ideas de manca istrema de Laura Manfredi semper ispressadas tranchillamente dae issa, e sas minetzas retzidas a mèdiu de boladoreddos repartzidos in Lùvula pro sas eleghiduras chi, a pustis de deghe annos, aiant dadu torra unu sìndigu a sa bidda.
Duos annos a pustis de sa morte, dadu su crima de mudulea ch’impeiat a sas imbestigaduras de nche cromper a unu puntu de borta, Laura Manfredi at chertu chi sos abarros mortales de Luisa èsserent tramudados a su campusantu de Castelvetro di Modena, sa bidda sua de nàschida, e issa etotu si fiat tramudada a ie paris cun sos àteros duos fizos tentos dae Mateu Boe. Su 28 de triulas de 2.009 s’incherta est aberta torra, a pustis chi Francesco Verderese su zip de Nùgoro at detzìdidu de aproare sa dimanda de su legalista de Laura Manfredi, Gian Luigi Mastio s’abogadu, de no archivare s’incherta, si nono de cumandare averiguamentos noos a sa Procuradoria subra de su capsulete dae nche fiat tzucadu su tiru de fusile, pro chircare istigas orgànigas chi permitant de nche cromper a s’Adn de su mortore. Pro su mortorzu de Luisa Manfredi, s’ùnigu inchertadu in istadu de liberdade resurtat esser Zuanne Pedru Ciconi, assessore antigu de Lùvula, fuìdu a un’impostada in s’abrile de 2.006.