Monte Arbu

Articulu in logudoresu

Monte Arbu bìdu dae su cantaru de su Tempiesu (Orune)

Su monte Arbu (in italianu monte Albo) est unu monte de pedra 'e carchìna in sa Sardigna tzentru-orientale, in provìntzia de Nùgoro. Tenet una lìnia longa 13 km, cund un'artesa mediana de 1000 metros e passa.

Su monte tenet prus de unu cùccuru, e sos prus artos sun duos: punta Catirina e punta Turuddò. Custas sun una cara a s'attera e sun ambasduas artas 1127 metros. Sos atteros puntos a brìncare sos 1000 metros sun:

• punta Ferulargiu, 1057 metros;
• punta Romasinu 1055 metros;
• punta Su Mutrucone, 1050 metros;
• punta Gurturgius, 1042 metros;
• punta Cupetti, 1029 metros.

Est dae s'antigorju chi s'omine est andadu a su monte, fraigande fintzas nuraghes, comente cussu fentomadu de Littu Ertiches.

In monte Arbu podimus agattare animales comente s'àbbile reale o abbilòne, sa muvra, su sirbone e s'astore sardu. Sa muntagna como est unu logu in ue sos amantiosos si atobian: pèri sos costones e passos (Janna Portellìtos, 639 metros) si podet mirare a panoramas de ispantu.