Museu archeològicu comunale Giovanni Marongiu
Coordinadas: 39°55′55.94″N 8°32′02.07″E / 39.932205°N 8.533907°E
Limba Sarda Comuna. Abbàida sas àteras bariedades gràficas:
| Museu archeològicu comunale Giovanni Marongiu | |
|---|---|
| Logu | |
| Istadu |  Itàlia
|
| Localidade | Crabas |
| Indiritzu | Arruga de Sinnis (Via Tharros) |
| Caraterìsticas | |
| Tipologia | Archeologia |
| Bisitadores | 42,302 (2022) |
| Situ web | |
Su museu archeològicu comunale Giovanni Marongiu de Crabas, in sa provìntzia de Aristanis, est un'istrutura inaugurada in su 1997, chi tenet in ammostu una campionadura manna de repertos archeològicos agatados in is sitos bàrios de su territòriu de sa penìsula de su Sinnis chi faghent parte de su comunu.
Su museu est intituladu a su professore crabarissu Giovanni Marongiu, amministrativista e dotzente a manu de istitutos universitàrios importantes (LUISS, Universidade de Tor Vergata in Roma, Iscola superiore de sa pùblica amministratzione), membru de su cunsìgiu de amministratzione de sa Cassa del Mezzogiorno dae su 1963 a su 1971, presidente pro tempus longu de su FORMEZ e de sa Fundatzione Giulio Pastore; fiat ministru pro is Cumbènnidos istraordinàrios de su Mezzogiorno in s'ùrtimu guvernu Andreotti.
Assètiu
[modìfica | modìfica su còdighe de orìgine]S'allistramentu de su museu est partzidu in setziones diferentes:
- una dedicada a su situ de Cùcuru de is Arrius, postu a manu de s'oru meridionale de s'istàngiu de Crabas, in ue iscavos fatos a sa fine de is annos '70 de su de 20 sèculos ant torradu a sa lughe repertos chi inditant ca s'àrea fiat meda abitada in edade pre-istòrica e proto-istòrica;
- un'àtera setzione est intregada a s'antiga tzitade de Tharros, fundada de is fenìtzios in su càbudu prus a giosso de su Sinnis, ocupadu in tempus a fatu dae is romanos chi est istadu unu de is tzentros printzipales de s'ìsula, non prus, prima capitale de su Judicadu de Arbaree fintzas a cara de su 1070.
- dae su martzu 2014 s'agatat fintzas una setzione noa, dedicada a is Gigantes de Mont'e Prama, istatuas agatadas in su situ omònimu, chi atualmente sunt is prus antigos esemplares connotos de istatua a totu tundu de su Mediterràneu otzidentale.
Artìculos in ligàmene
[modìfica | modìfica su còdighe de orìgine]Acàpios forànios
[modìfica | modìfica su còdighe de orìgine]Museu archeològicu comunale Giovanni Marongiu
| Controllu de autoridade | VIAF (EN) 142146573859638100911 · ISNI (EN) 0000 0000 9757 9266 · GND (DE) 1153066394 · LCCN (EN) n99027524 · SUDOC (FR) 19338714X · WorldCat Identities (EN) n99-027524 |
|---|