Perca de Ispinìgoli

Sa perca de Ispinìgoli, posta in sa parte nordu-orientale de sa provìntzia de Nùgoro, in sa comuna de Durgale, est una de sas percas prus mannas de Itàlia, cun un'isvilupu de 10 km. S'ambiente prus suzestivu e interessante est unu pàtiu naturale mannu, zai frechentadu in su perìodu nuràghicu e pùnigu e impreadu a sos tempos belle seguramente de logu de curtu. In sa mesania sua, tronezat un'istalagmita enorme de addae de 38 m., cussiderada sa prus arta de Europa. In su pee de su monolitu enorme, s'abrit unu calancone profundu naradu Fundaghe de sas Innidas, in ue paret chi èsserent tzelebrados in su perìodu pùnigu ritos propitziadores cun sacrifìtzios umanos: custa teoria diat esser arrimada dae s'agatamentu, in su fundu de su calancone, de ossos umanos e cannachiles feminencos in istilu pùnigu, como bardados inche su Museu tzìvigu archeolòzigu de Durgale.