Punta Lizu

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Punta Lìzu bìda dae su mare.

Punta Lìzu (in italianu Punta Giglio, in cadelànu Punta del Lliri) est unu promontòriu de carchìna chi bi est in s'òru nord-otzidentale de sa Sardigna in s'Alighera, chi impàre a s'atteru promontoriu (de nùmene Capu Catza) insèrrat su golfu mannu de Portu Conte. De manèra impròpia si li nàrat "punta", ca in realtàde tènet prusaprèstu sas caratteristicas de unu capu pro s'artèsa manna sua sùbra de su libellu de su mare; su nùmene chi tènet, a dòntzi modu, pòdet iscobiàre su fattu chi in cùe bi aìat unu numeru mannu de pràntas de lìzu creschènde arèste. Punta Lìzu est in intro de su zàssu marinu protettu de Capu Catza - Isula Piana. Dae su puntu prus artu si podet miràre tottu su paesàtzu chi inghìriat sa punta. Pro mòre de su puntu istrategicu chi podìat dominare tottu s'area, in sa segunda gherra mundiale s'esèrtzitu italianu e cussu tedescu bi aìan fraigàdu una base antiaèrea: de cussa como bi abbàrrat galu una parìga de casermas, chi si pòden agattàre pèri tottu sa zona e fìn fattas de carchìna pro las pòder cuàre menzus a sos ogros de sos Alliàdos.