SHGb02+14a

Dae Wikipedia, s'entziclopedia lìbera.
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu


SHGb02+14a est una fonte de ràdiu-frecuèntzia in s'ispàtziu còsmicu individuada dae su progetu SETI@home in martzu 2003 e annuntziada in New Scientist su 1 cabudanni 2004. Sa notoriedade sua est dèpida a su fatu de èssere una possìbile candidada pro is punnas de su progetu SETI (Search for Extra-Terrestrial Intelligence, Chirca de vida inteligente extra-terrestre).[1]

Sa fonte ràdiu est istada osservada pro tres bortas, in una frecuèntzia ràdiu de belle 1420 MHz[2] chi diat pòdere èssere impreada dae extra-terrestres pro trasmissiones, pro sa curtzesa sua a sa frecuèntzia de assorbimentu e irrajamentu de fotones de s'idrògenu[1].

Piessìnnios e ispricadas[modìfica | modìfica su còdighe de orìgine]

SHGb02+14a est situada in unu puntu intre is costellatziones de is Pisches e de su Mascu, una diretzione in ue non s'osservat perunu isteddu a prus pagu de 1000 annos lughe. In prus, su sinnale suo est dèbile meda. Sa frecuèntzia de su sinnale tenet un'istesiadura lestra, chi diat currispòndere a s'emissione chi benit dae unu praneta chi òrbitat a una 40 bortas prus lestru de sa Terra a inghìriu de su Sole. Ònnia borta chi su sinnale est istadu retzidu, sa frecuèntzia osservada est istada semper de 1420 MHz, est a nàrrere sa frecuèntzia originale in antis de ònnia istesiadura.

Analizende custos piessìnnios, SETI@home at denegadu sa possìbile natura extra-terrestre de su sinnale suo, ipotizada dae is mèdias.[3][4] Diat pòdere èssere un'artefatu de natura casuale, abbolotu còsmicu, o finas su resurtadu de unu problema tècnicu.

Riferimentos[modìfica | modìfica su còdighe de orìgine]

  1. 1.0 1.1 (EN) Euginie Reich, Mysterious signals from light years away, in New Scientist, 1º cabudanni 2004. URL consultadu su 12 làmpadas 2006 (archiviadu dae s'url originale su 9 maju 2008).
  2. (EN) Gaussian Candidate SHGb02+14a, SETI@home. URL consultadu su 12 làmpadas 2006 (archiviadu dae s'url originale su 3 trìulas 2013).
  3. (EN) Amir Alexander, SETI@home Leaders Deny Reports of Likely Extraterrestrial Signal, in Planetary, The Planetary Society, 2 cabudanni 2004. URL consultadu su 12 làmpadas 2006 (archiviadu dae s'url originale su 26 trìulas 2011).
  4. (EN) David Whitehouse, Astronomers deny ET signal report, in [BBC News, 2 cabudanni 2004. URL consultadu su 12 làmpadas 2006.


Pàginas ligadas[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]