Sant'Uanni de Sinnis

Dae Wikipedia, s'entziclopedia lìbera.
Jump to navigation Jump to search

Coordinatas: 39°53′09.65″N 8°26′08.8″E / 39.886014°N 8.435778°E39.886014; 8.435778

su mari de Sant'Uanni de Sinnis biu de su capu santu Marcu

Sant'Uanni de Sinnis est una localidadi de mari chi s'agatat in sa costa centru-otzidentalli de sa Sardigna, in sa Provìntzia de Aristanis. Podit essi cunsiderada comenti sa marina de Crabas, chi est su comuni de apartenentzia, mancai po traditzionis e istòria agatit medas acapius fomentzas cun su comuni de Nurachi.

Prusatotu populada in istadai, Sant'Uanni de Sinnis contat 8 residentis.

Geografia[modìfica | modìfica su còdighe de orìgine]

Sa biddighedda, a 12 km de Crabas, est locada in sa parti prus meridionalli de sa penisula de su Sinnis, pagu a tesu de su Capu Santu Marcu e de is ruinas de s'antiga citadi de Tharros. Istat a unu artiori de 7 metrus de su mari, intra de su mari su gulfu de Aristanis, e de su mari de Sardigna.

Istòria[modìfica | modìfica su còdighe de orìgine]

sa cresia paleocristiana de Sant'Uanni de Sinnis

Is domus in perda de sa bidda istant a inghiriu de s'antiga cresia de Sant'Uanni de Sinnis. Is abitatzionis prus carateristicas, fiant però cussas chi is piscadoris crabasissus usaiant comenti apogiu po su triballu, tzerriadas barracas. Custas domus fiant fatas cun linna e una erba de is istanius chi s'agatant a inghiriu: su crucuri. Numerosas meda e assentadas in neras, funtis istetias sciarrocadas po sa prus parti a pustis de una ordinantzia de su 1985, po ita cunsideradas abusivas, chentza de tenni a menti cai fessit su valori antropologicu insoru. Is pagus chi ancora abarrant in dis de oi funtis tentas giai comenti monumentus. Me in is annus '60 de su XX seculu, mancai siat area archeologica, in Sant'Uanni funtis istetias costruias domus noas chi tenint funtzioni printzipalli de residentzias istias.

Logus de atraìda[modìfica | modìfica su còdighe de orìgine]

Sant'Uanni de Sinnis est arrica de antigorius, chi pigant parti prena a is carateristicas de su paesagiu. A mancu de unu kilometru si podit lompi in s'antiga citadi fenitziu-punicu-romana de Tharros, unu de is prus importantis situs archeologicus de sa Sardigna. Meda importanti sa cresia de Sant'Uanni de Sinnis (VI-VIII seculu), chi impari a sa de Santu Sadurru in Casteddu rapresentat su prus antigu testimongiu de architetura cristiana in s'isula. Intra de is domus de s'abitau est possibili agatai partis de necropolis fenitzias, acanta de sa bidda s'agatant ancora duas turris de guardia aragonesas. Sant'Uanni de Sinnis est pois cannota po una de is riberas prus bellas de su Sinnis.