Vergonha

Dae Wikipedia, s'entziclopedia lìbera.
Jump to navigation Jump to search

Nùgoro-Istemma.png
Articulu in nugoresu
Nùgoro-Istemma.png

"Chistionàe in frantzesu, siàzes nettos" iscrìttu ind unu muru de un'iscola de Ayguatébia-Talau.

Cun sa lìnia politica de vergonha (vergonya in otzitanu, birgònza in sardu) si bolet contare tottu su chi s'istadu frantzesu at fattu pro nche ispèrder sas limbas diferentes dae su frantzesu, non petzi s'otzitanu chi a custu fenomenu li an dàu unu lùmen, ma fìntzas su cadelanu, su corsicanu, su bascu, su bretone e gòi sichìnde.

Sa "vergonya" est sa pratica de fàcher abbirgonzàre de sa limba propria sos chi favèddan una limba diversa dae su frantzesu: pro custu si at promòghiu s'escrusiòne, s'umiliassiòne e s'ostracìsmu in iscòla, afforticàu dae s'assèntzia de mèdios de comunicassiòne in sa limba "de minorìa".

Custa assiòne de genocìdiu limbisticu, chi an fattu fìntzas atteros in prus de sa Frantza (Italia in Sardigna e atteros trèttos chi faveddàban una limba a divèrsu dae s'italianu, Giappone in Okinawa, etz.), la an promòghia paritzos òmines de potere e politicos frantzesos, dae Henry Grégoire in su cursu de sa rivolutzione frantzesa fìntzas a Nicolas Sarközy.