Attilio Mastino

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

 

Attilio Mastino
Nàschida29 de trìulas de su 1949
Bosa
Natzionalidadesarda
Tzitadinàntziaitaliana
Alma materUniversidade de Casteddu
Traballuistòricu, acadèmicu, sagista e giornalista
Prèmios
  • Prèmiu literàriu “L'Ogliastra” (1995)
  • "Glorificatzione de s'istòricu àrabu" (2002)
  • Prèmiu "Anassilaos Arte cultura scienze" (2003)
  • Trofeu "Tzitade de Otieri" pro sa promotzione de sa cultura e de s'arte (2013)
  • Diploma pro sa de XII editziones de su Prèmiu internatzionale Giuseppe Sciacca (2013)
Positzione de traballuprofessore ordinàriu, retore
Interessos printzipalesistòria e epigrafia de s'antighidade clàssica, e mescamente de sas provìntzias romanas mediterràneas
Istitutziones de traballuUniversidade de Tàtari
Campu(os)istòria romana, epigrafia latina

Attilio Mastino (Bosa, 29 de trìulas de su 1949) est un'istòricu, acadèmicu, sagista e giornalista sardu, retore de s'Universidade de Tàtari dae su 2009 a su 2014.

Biografia[modìfica | modìfica su còdighe de orìgine]

A pustis de àere cunsighidu sa làurea in Lìteras Clàssicas in su 1972 in s'Universidade de Casteddu, s'est ispetzializadu in Giornalismu in s'Universidade de Urbinu e in Istùdios Sardos in Casteddu, frecuentende fintzas sos ambientes acadèmicos de Parigi (su Centre Gustave Glotz e s'École normale supérieure), Bordeaux (Centre Pierre Paris), Tùnisi (Institut national du patrimoine) e Tenerife (Universidade de La Laguna). Dae su 1973 est iscritu a s'Òrdine de sos giornalistas comente publitzista.[1][2]

Dae su 1983 at incumintzadu a ghiare su Comitadu organizadore de sos Cunvegnos in subra de “S'Àfrica Romana”, e sa fine de sa de XV editziones, in su 2002, at retzidu su prèmiu de sa medàllia de oro de sa "Glorificatzione de s'istòricu àrabu" dae su presidente de s'Unione de sos istòricos àrabos.[1]

A pustis de annos de esperièntzia in s'Universidade de Casteddu est coladu a s'Universidade de Tàtari, in ue est istadu diretore de su Dipartimentu de Istòria, dae su 1991 a su 1995, de su Tzentru in subra de sas provìntzias romanas, de sa Facultade de Lìteras e Filosofia, dae su 1995 a su 1998, e de su Dotoradu de chirca "Su Mediterràneu in edade antiga".

In su 1995 s'òpera La Tavola di Esterzili: il conflitto tra pastori e contadini nella Barbaria sarda, Atti convegno Esterzili 6 giugno 1992, curada dae issu, at bìnchidu su prèmiu literàriu "L'Ogliastra".[3]

Dae su 1997 a su 2009 est istadu pro-retore cun dèlega a sa chirca, e dae su 2009 a su 2014 est istadu retore de s'Universidade de Tàtari.[4]

In su 2003 at bìnchidu sa setzione Chirca de su Prèmiu "Anassilaos Arte cultura scienze", in Reggio Calabria.

In su 2013 at bìnchidu su prèmiu "Tzitade de Otieri", dedicadu a una persone de annotu in su campu de sa promotzione de sa cultura e s'arte, prèmiu ammaniadu in s'àmbitu de su Prèmiu Otieri de Literadura Sarda, e su diploma pro sa de XII editziones de su Prèmiu Internatzionale Giuseppe Sciacca, in sa Tzitade de su Vaticanu, in relatzione a s'atividade de su grupu etno-musicològicu ICHNUSS.

At fundadu s'Iscola archeològica italiana de Cartàgine, de sa cale est istadu elègidu presidente in su 2016, e at traballadu pro su comitadu sientìficu de s'Istitutu superiore regionale etnogràficu fundadu dae Giuanne Lilliu.

A livellu amministrativu at tentu su ruolu de Assessore a s'Ambiente de sa Provìntzia de Nùgoro[5] a s'incumintzu de sos annos Noranta. In antis aiat amministradu s'USL de Macumere e sa Comuna de Bosa.

At presididu sa giuria de su Prèmiu Tzitade de Otieri e de su Prèmiu Gràtzia Deledda[6] de Nùgoro, e at pigadu parte a sa tzerimònia de su Prèmiu Max Leopold Wagner[7][8] e de medas àteros in subra de argumentos ligados a sa literadura, a s'istòria e a s'archeologia. Est sòtziu o sòtziu onoràriu de unu nùmeru mannu de assòtzios culturales e istòricos, membru de medas comitados iscientìficos e at dirìgiudu pro medas annos collanas de publicatziones istòricas e archeològicas.[1]

Oe traballat che a epigrafista in sos tzircùitos internatzionales, a pustis de àere coordinadu sos iscavos archeològicos de Uchi Maius[9] dae su 1994 a su 2014, e sas chircas epigràficas in Thignica dae su 2015 a su 2019.[1][10]

Publicatziones[modìfica | modìfica su còdighe de orìgine]

In sa carriera sua Attilio Mastino at iscritu prus de 400 publicatziones[10], dae sos volumes a sos artìculos[10][1][3][11]. Inoghe b'at una lista partziale:

  • (IT) Gli Acta urbis. Il "giornalismo" nell'antica Roma, Montefeltro, Urbinu 1978, pp. 1-82.
  • (IT) Cornus nella storia degli studi (con catalogo delle iscrizioni rinvenute nel territorio del comune di Cuglieri), Società Poligrafica Sarda, Casteddu 1979 (1982, 2ª ed.), pp. 1-243 e tavv. I-LXXIV.
  • (IT) Le titolature di Caracalla e Geta attraverso le iscrizioni. Indici (Studi di Storia Antica dell'Università di Bologna, 6), CLUEB, Bologna 1981, pp. 1-207.
  • (IT) Bosa in età giudicale. Nota sugli affreschi del Castello di Serravalle, Gallizzi, Tàtari 1991
  • (IT) Turris Libisonis (Sardegna archeologica, guide ed itinerari, 23), in collaborazione con C. Vismara, Delfino, Tàtari 1994.
  • (IT) Mare Sardum. Merci, mercati e scambi marittimi della Sardegna antica (Tharros felix, 1), Carocci, Roma 2005 (in collaboratzione cun P.G. Spanu e R. Zucca).
  • (IT) Storia della Sardegna antica (La Sardegna e la sua storia, 2), Edizioni il Maestrale, ISBN 88-86109-98-9, Nùgoro 2005, cun sa collaboratzione de Piero Bartoloni, Giovanni Lupinu, Paola Ruggeri, Pier Giorgio Spanu, Raimondo Zucca.
  • (IT) Storia della Sardegna, in collaboratzione cun M. Brigaglia e G.GF. Ortu, in La Grande Enciclopedia della Sardegna, 11, Bari 2007.
  • (IT) Il titolo di “Magno” dalla Repubblica all’Impero al Papato, Giovanni Paolo Magno, I Quaderni dell’”Archivio Giuridico, 2, a incuru de :M. Baccari e A. Mastino, Mucchi editore, Mòdena 2010.
  • (IT) Tharros felix 4, a incuru de A. Mastino. P.G. Spanu, A. Usai, R. Zucca, Carocci, Roma 2010.
  • (IT) Tharros Felix 5, in collaboratzione cun Pier Giorgio Spanu e Raimondo Zucca, Carocci, Roma 2013, pp. 1-591
  • (IT) Quei nostri cinque magnifici anni (2009-2014), Carocci, Roma 2014, pp. 1-727

Riferimentos[modìfica | modìfica su còdighe de orìgine]

  1. 1.0 1.1 1.2 1.3 1.4 (IT) Curriculum Vitae - Attilio Mastino, in uniss.academia.edu. URL consultadu su 17 santandria 2020.
  2. Attilio Mastino, in www.dirittoestoria.it, santandria 2007. URL consultadu su 17 santandria 2020.
  3. 3.0 3.1 (IT) Elenco delle pubblicazioni del Prof. Attilio Mastino (PDF), in edissuf.uniss.it. URL consultadu su 17 santandria 2020 (archiviadu dae s'url originale su 30 abrile 2021).
  4. (IT) Università: fine mandato rettore Mastino, in ansa.it, 31 santugaine 2014.
  5. (IT) Mastino «bacchetta» Arbau, in lanuovasardegna.it, 8 cabudanni 2011.
  6. (IT) Fondazione Premio letterario "Grazia Deledda" (PDF), in fondazionepremioletterariograziadeledda.it, santugaine 2019.
  7. Mamaliu Pibesa, Prèmiu Wagner a Pintore e a Beccu, in Sa gazeta, 17 cabudanni 2016. URL consultadu su 17 santandria 2020 (archiviadu dae s'url originale s'11 austu 2020).
  8. (IT) Premio Max Leopold Wagner per due tesi di laurea in sardo, in La Nuova Sardegna, 14 cabudanni 2016. URL consultadu su 17 santandria 2020.
  9. (IT) A Uchi Maius gli scavi archeologici riportano alla luce epigrafi e mosaici, in sassarinotizie.com, 17 nadale 2010. URL consultadu su 17 santandria 2020 (archiviadu dae s'url originale su 22 santugaine 2022).
  10. 10.0 10.1 10.2 (IT) Curriculum, in www.attiliomastino.it. URL consultadu su 17 santandria 2020.
  11. (IT) Elencu de sas publicatziones in su portale Iris, in iris.uniss.it. URL consultadu su 17 santandria 2020.

Ligàmenes esternos[modìfica | modìfica su còdighe de orìgine]

  • Attilio Mastino, in uniss.academia.edu. URL consultadu su 17 santandria 2020.
  • Attilio Mastino, in researchgate.net. URL consultadu su 17 santandria 2020.

 

Controllu de autoridadeVIAF (EN54162650 · ISNI (EN0000 0001 1644 8027 · BNE (ESXX4445109 (data) · BNF (FRcb12029308m (data) · CiNii (JAENDA03980663 · GND (DE1161650733 · LCCN (ENn83214051 · NTA (EN071737766 · OL OL481107A · ORCID (EN0000-0001-6641-2305 · RERO 02-A003571243 · SBN (ITCFIV015372 · SUDOC (FR028461835 · WorldCat Identities (ENn83-214051