Fiorenzo Caterini
Limba Sarda Comuna. Abbàida sas àteras bariedades gràficas:
| Fiorenzo Caterini | |
|---|---|
| Nàschida | 1965 Lodi |
| Natzionalidade | sarda |
| Tzitadinàntzia | italiana |
| Alma mater | Universidade de Tàtari |
| Traballu | antropòlogu, iscritore e ambientalista |
| Professione | Ispetore de su Corpus Forestale e V.A. Sardigna |
| Prèmios |
|
Fiorenzo Caterini (Lodi, 1965)[1][2] est un'antropòlogu, iscritore e ambientalista sardu, istudiosu de s'istòria, de sa cultura e de sa natura de sa Sardigna.[3]
Biografia[modìfica | modìfica su còdighe de orìgine]
Nàschidu in Lodi, at istudiadu Benes Culturales e Antropologia Culturale in s'Universidade de Tàtari, laureende·si in ambas cosas cun su màssimu de sos votos. A pustis est intradu in in su su Corpus Forestale, in ue a primu est istadu ispetore, e a pustis est divènnidu cumandante de s'Istatzione Forestale de Locusantu.[4]
In su 2013 at publicadu "Colpi di scure e sensi di colpa", su primu sàgiu istòricu e antropològicu suo, fatu in collaboratzione cun su Dipartimentu de Iscièntzias Umanas de s'Universidade de Tàtari, diretu dae Mario Atzori, e cun su Corpus Forestale e de Vigilàntzia Ambientale. In cussu libru at analizadu s'istòria de s'isperdìtziu de sos padentes sardos e s'efetu chi custu acadimentu at tentu in s'idea chi sos sardos e sos istràngios tenent, in dies de oe, de sa Sardigna siat de oe siat de eris.[5]
Su sàgiu at tentu unu sutzessu mannu, tantu chi l'ant torradu a imprentare chimbe bortas in pagos annos,[2] e at bèndidu prus de 5000 còpias. In prus, pro unos cantos meses est abarradu in sa de tres positziones in sa classìfica de sa setzione "ambiente" de Amazon.[3] Semper in su 2013, e pro cussu libru, Caterini at retzidu su prèmiu "Siro Vannelli" pro "sa divulgatzione de sa cultura ambientale e forestale in Sardigna".[2][6]
In su 2017 at publicadu su de duos sàgios suos, "La Mano destra della storia" in ue at analizadu su tema de sa demolitzione de sa memòria e de su problema istoriogràficu in Sardigna, chistionende de sas resones istòrica e de sos protzessos de su tempus coladu e de oe.[5] Fintzas custu libru, chi est in continuidade, fintzas si dialètica, cun òperas de autores che a Raimondo Carta Raspi, Mialinu Pira e Placido Cherchi, at tentu unu sutzessu mannu, e sas presentatziones de ambas òperas sunt arribbadas a èssere prus de 200.[2] Fintzas gràtzias a s'ispiratzione bènnida dae su traballu suo, sos CESP COBAS Iscola Sardigna ant isseberadu de organizare su progetu "La maestra muta", pro batire in giru pro sa Sardigna, in sos seminàrios pro sos insegnantes, su problema istoriogràficu sardu.[2]
In su 2020 at dichiaradu, in unas cantas intervistas, chi est iscriende àteros duos libros: unu romanzu e su de tres sàgios.[2][5][7] Su romanzu, "La notte in fondo al mare" l'at publicadu in su 2021.[8]
Semper in su 2021 su regista Francesco Bussalai at presentadu su docufilm suo Àrbores, ispiradu a "Colpi di scure e sensi di colpa" e premiadu in su Babel Film Festival de su su matessi annu.[9][10]
In paris a s'atividade comente iscritore, Caterini at fintzas iscritu artìculos medas pro su situ SardegnaBlogger, in ue est fintzas redatore, e at tentu risultados de annotu comente isportivu, binchende tìtulos de mesufundu in atlètica e in su triathlon a livellu regionale.
Òperas[modìfica | modìfica su còdighe de orìgine]
Sàgios[modìfica | modìfica su còdighe de orìgine]
- (IT) Fiorenzo Caterini, Colpi di scure e sensi di colpa: storia del disboscamento della Sardegna dalle origini a oggi, Tàtari, Carlo Delfino editore, 2013, ISBN 978-88-7138-704-8, OCLC 955224912.
- (IT) Fiorenzo Caterini, La Mano destra della storia: la demolizione della memoria e il problema storiografico in Sardegna, Tàtari, Carlo Delfino editore, 2018, ISBN 978-88-9361-068-1, OCLC 1105442808.
Romanzos[modìfica | modìfica su còdighe de orìgine]
- (IT) Fiorenzo Caterini, La notte in fondo al mare, Tàtari, Carlo Delfino editore, 2021, ISBN 978-88-9361-242-5.
Riferimentos[modìfica | modìfica su còdighe de orìgine]
- ↑ (IT) Giacomo Ganzu, Al “Logudoro” di Pavia grande successo della presentazione del volume di Fiorenzo Caterini “Colpi di Scure e Sensi di Colpa. Storia del disboscamento della Sardegna” (PDF), in luigiladu.it, 14 freàrgiu 2017. URL consultadu su 1º nadale 2021.
- ↑ 2.0 2.1 2.2 2.3 2.4 2.5 (IT) Intervista con l'autore: Fiorenzo Caterini, in Librando, 5 martzu 2020. URL consultadu su 14 freàrgiu 2021.
- ↑ 3.0 3.1 (IT) Giovanni Fara, Intervista a Fiorenzo Caterini, in #IndieLibri, 22 santandria 2018. URL consultadu su 20 nadale 2020.
- ↑ (IT) Colpi di scure e sensi di colpa, in Sardegna Biblioteche. URL consultadu su 14 freàrgiu 2021.
- ↑ 5.0 5.1 5.2 (IT) Francesca Bianchi, Apprendere la Propria Storia (Fiorenzo Caterini, la ricostruzione della memoria in Sardegna), in Tottus in pari, nº 839, santandria 2020. URL consultadu su 14 freàrgiu 2021.
- ↑ Premio Siro Vannelli, in www.assfor.it. URL consultadu su 14 freàrgiu 2021 (archiviadu dae s'url originale su 18 freàrgiu 2020).
- ↑
(IT) Giorgio Pisano, Quattro passi con Fiorenzo Caterini. Un viaggio antropologico all'interno di noi stessi, in YouTube.
- ↑ (IT) La notte in fondo al mare (Fiorenzo Caterini), in Carlo Delfino editore. URL consultadu su 17 nadale 2021.
- ↑ (IT) ÀRBORES, LA STORIA DEI BOSCHI SARDI NEL NUOVO FILM DI FRANCESCO BUSSALAI, in SardegnaEventi24. URL consultadu su 15 freàrgiu 2024.
- ↑ (IT) Mario Gottardi, Àrbores, o della rinascita dopo la deforestazione. Il film di Francesco Bussalai racconta la storia perduta degli alberi -, in nemesismagazine.it, 3 nadale 2022. URL consultadu su 15 freàrgiu 2024.
Ligàmenes esternos[modìfica | modìfica su còdighe de orìgine]
- (IT) Pàgina de sos artìculos de Fiorenzo Caterini, in SardegnaBlogger. URL consultadu su 14 freàrgiu 2021 (archiviadu dae s'url originale su 3 martzu 2021).
- Fiorenzo Caterini, in SBS - Servìtzios Bibliogràficos Sardos. URL consultadu su 14 freàrgiu 2021.
| Controllu de autoridade | VIAF (EN) 10158367797501282183 · ISNI (EN) 0000 0004 9654 8440 · LCCN (EN) n2020011907 · OL OL10817312A · WorldCat Identities (EN) n2020-011907 |
|---|