Segunda gherra ìtalo-etìope

Dae Wikipedia, s'entziclopedia lìbera.
Jump to navigation Jump to search

Flag of Sardinia, Italy.svg
Articulu in LSC
Flag of Sardinia, Italy.svg

Sordados etìopes in su 1935

Sa segunda gherra ìtalo-etìopeo fintzas campagna de Abissìnia o simprementegherra de Etiòpia est istadu unu cunflitu chi bidiat opostos s'Itàlia Fascista de Benito Mussolini e s'Impèriu de Etiòpia de Haïlé Sélassié I dae su 3 de santugaine de su 1935 a su 9 de maju de su 1936. Aiat costituidu su segundu cumprobu de s'Itàlia de s'impossessare de s'istadu a fatu de sa vitòria etìope de Adua in su 1896. Sa vitòria de s'Etiòpia fiat istada siat militare siat polìtica e diplomàtica sende chi li aiat afiantzadu s'indipendèntzia e su reconnoschimentu internatzionale. S'Etiòpia e s'Itàlia perteniant a sa Sotziedade de sas Natziones, chi teniat sa tarea de prevènnere sas gherras peri su printzìpiu de seguresa colletiva.

S'acontessida de custa gherra aiat tentu cussighèntzia in su retiru de s'Itàlia dae sa Sotziedade de sas natziones e de l'acostare a sa Germània nazista. Parallelamente sa Sotziedade de sas Natziones aiat ammostadu de no èssere capatza de cumprire sas tareas suas e aiat balangiadu iscrètia internatzionale, in s'èspuru de sa segunda gherra mundiale. Mancari sos italianos teniant superioridade tecnològica e aiat impitadu armas chìmicas, una resistèntzia armada a s'ocupatzione italiana no fiat mai totalmente annichilada e aiat sighidu a durare fintzas a su 5 de maju de su 1941, die de sa liberatzione de Addis Abeba, ghiada dae su norte de su paisu dae sas tropas britànnica impare a sa prima divisione frantzesa lìbera e fintzas de sas tropas belgas in su sud de su paisu.