Gianfranco Pintore

Articulu in logudoresu

Zuanne Frantziscu Pintore (Irgoli, 31 de agustu de su 1939 - Orosei, 24 de capidanne de su 2012) est istadu unu iscritore e zornalista. Zornalista professionista, at traballadu pro Il Mondo Nuovo, Giorni-Vie Nuove, Abc, L'Unità in Firenze, Roma e Varsavia. Torradu a Sardinna, at fattu su currispondente pro L'Espresso, Tempo Illustrato e àteros periòdicos.

At fundadu Sa Sardigna e Liberatzione, diretu Ràdiu Supramonte e Il Solco e, at traballadu in Telesardegna, faghende su Telediàriu. Editorialista de L'Unione Sarda e de Sardigna.com .

Dae su 2002 a su 2004 est istadu su consulente de su presidente de su Parlamentu sardu. At iscritu libros medas, siat in italianu siat in sardu, e cun sos romanzos suos Su Zogu e Sa losa de Osana at bintu su Prèmiu Casteddu de sa Fae in su 1989 e sa setzione pro sas òperas in limba sarda de su Prèmiu Gràtzia Deledda de su 2010.

Est ispiradu in su 2012 pustis de una longa maladia, teniat tando 73 annos.

Libros

• Sardegna regione o colonia, Mazzotta, Milano, 1974;
• Sardigna ruja, Edizioni della Nave, Milano, 1981;
• Manzela, Castello, Cagliari, 1985;
• Sardegna sconosciuta, Rizzoli, Milano, 1986 e 2002;
• Su Zogu, Papiros, Nùgoro, 1988;
• La sovrana e la cameriera, Insula, Nuoro, 1996;
• La caccia, Zonza editori, Cagliari, 2000;
• Nurai, Papiros, Nùgoro, 2002;
• Morte de unu presidente, Condaghes, Cagliari, 2007;
• Sa losa de Osana, Condaghes, Cagliari, 2009 tradotto in italiano col titolo La stele di Osana, Condaghes, Cagliari, 2009

Agganzos de fora

• Su situ de Zuanne Frantziscu Pintore
• Libros de Gianfranco Pintore, in Open Library. URL consultadu su 29 santugaine 2022.
• (IT) Vito Biolchini, Addio a Gianfranco Pintore, maestro di giornalismo, di scrittura e di impegno culturale e politico. Da oggi la Sardegna è più povera, in vitobiolchini, 24 cabudanni 2012. URL consultadu su 2 martzu 2020.
• (IT) Giuseppe Corongiu, “Gianfranco Pintore, la lingua sarda e le altre battaglie dimenticate degli indipendentisti degli anni ‘70”. Un ricordo di Giuseppe Corongiu, in vitobiolchini, 1º santugaine 2012. URL consultadu su 2 martzu 2020.
• (SC, IT) Sa morte de Zuanne Frantziscu Pintore - Pepe Corongiu, in ulsaltabaronia.myblog.it (archiviadu dae s'url originale su 29 santandria 2020).
• Sa Literadura Sarda - Gianfranco Pintore, in YouTube.
• Enrico Putzolu, LOGOS DE LOGU 2020 23PUNTATA, in YouTube, TCS - Tele Costa Smeralda, a 19 min 50 s. (in s'ùrtima parte de sa puntada Frantziscu Casula chistionat de Giuanne Frantziscu Pintore)