Ampsicora

Dae Wikipedia, s'entziclopedia lìbera.
Jump to navigation Jump to search

Ozieri-Stemma.png
Articulu in logudoresu
Ozieri-Stemma.png

Ampsicora, balente sardu connotu pro si esser bortadu contra sos romanos e pro aer cherfidu pro tempus meda sa libertade de sa terra sua. In s'annu 537 sos sardos fuint istraccos meda de sa dominatzione romana e de su dinari pedidu dae sos legionarios. Pro l'acabbare cun custa sufferentzia, Ampsicora decidit de si ponner a cabu de una ribelliòne. A sos primos corpos de sa ribelliòne Asdrubale mandat una armada navale in agiudu a sos sardos. Custa armada non at arribare mai in Sardigna proite at esser iscuta contra sas isolas Baleares dae una tempesta. In su matessi tempus Q. Manlio Torquato arribat in Casteddu cun una armada de binti-duos mila fantes e milli-duchentos caddos. S'armada sarda fit giùtta dae Ampsicora e Josto, fizu sou. Pustis chi Ampsicora fit partidu pro sa Barbagia pro arruolare una armada prus manna, Josto faghinde de conca sua decidit de attacare sos inimigos. Josto at a benner isconfittu e s'ada a cuare in Cornus pro isetare Ampsicora. Pustis carchi die sas armadas s'ant a gherrare galu una orta pro battor oras de gherra ma sos sardos ant a benner isconfittos. Medas gherradores sardos ant a benner bochidos, Josto est unu de custos. Ampsicora fuit cun su caddu sou pro preparare un'attera gherra ma cando at a ischire chi Josto est mortu at a isetare su notte pro si bochire.