FINS - Federatzione Isport Natzionale Sardu

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Logotipu de sa FINS

Sa Federatzione Isport Natzionale Sardu, mègius nota cun sa sigla FINS, est s'òrganu de organizatzione e controllu de sas iscuàdras natzionales de sa Sardigna, e si ocupat de de fùbalu a 11, fùbalu a 5, tiru isportivu e pesada de potèntzia (powerlifting).

Istòria[modìfica | modìfica su còdighe de orìgine]

Sa faina sua incumentzat in su 2012[1]. Gràtzias a sas initziativas culturales de su partidu polìticu indipendentista ProgReS, benit creada sa Federatzione Isport Natzionale Sardu (FINS), cun s'obietivu de sa creatzione de issèberos natzionales sardos, non limitadas a su fùbalu ebbia. Sas primas esperièntzias difatis sunt relativas a sa creatzione de sa Natzionale de fùbalu a 5, chi siat in su 2012 siat in su 2013 intrat in campu in antis in Fordongianus e a pustis in Nùgoro pro duas amistosas cun s'issèberu omòlogu de sa Catalugna.[2]

In su matessi tempus, in su 2013, pro neghe de de s'arribu malasortadu in Sardigna de su Tziclone Cleopatra, chi at causadu 19 vìtimas, sa sotziedade sarda aiat torradu a propònnere sa costitutzione de un'issèberu de fùbalu, fintzas petzi pro un'amistosa de benefitzèntzia in gradu de collire dinare pro sas vìtimas e pro sa ricostrutzione de sos tzentros abitados corfidos dae sa perturbazione. Pro s'organizatzione si fiat ofertu su giornalista de Assèmini Vittorio Sanna, radiocronista de sas partidas de su Cagliari pro s'emittente privada Radiolina e si fiat postu in cuntatu cun sos medas giogadores professionistas sardos de s'època. A s'incumintzu s'organizatzione cheriat fàghere un'amistosa contra su matessi Cagliari , ma su chi tando fiat presidente, Massimo Cellino, no aiat dadu su cunsensu. A pustis s'aiat intentadu, duncas, de organizare un'àtera amistosa contra sa Còrsica e fiat istada fissada fintzas sa data a maju de s'annu imbeniente, ma a sa fine no si nd'aiat fatu prus nudda.[3][4]

Petzi 5 annos a pustis sos progetos de Sanna e s'organizatzione de sa FINS ant tentu sutzessu e su 13 de santugaine de su 2018 sa federatzione at annuntziadu s'afiliatzione a sa CONIFA (Confederation of Independent Football Associations).

Dae martzu 2019 est intradu in sa FINS s'assòtziu Hunter Field Target Sardigna, chi s'ocupat de tiru isportivu e at organizadu, su 31 de cussu mese, su primu Campionadu Sardu de cuss'isport isseberende de lu fàghere in Boroneddu[5]. A pustis, in su mese de làmpadas de su matessi annu, at pigadu parte a sos mundiales in Polònia.[6]

Dae cabudanni 2019, imbetzes, est intrada in sa FINS sa SARDFPA (Sardinia Drug-Free Powerlifting Association), federatzione indipendente sarda pro sas pesadas de potèntzia, affiliada a sa WDFPF (World Drug-Free Powerlifting Federation). Custu assòtziu aiat organizadu, in su mese de trìulas antepostu, sos primos Campionados Natzionales Sardos de panca e istacos dae terra in Aristanis, cun sa presèntzia de su presidente de sa WDFPF Wim Backelant. Semper in cabudanni sa SARDFPA at isseberadu de pigare parte a sos Campionados Euopeos, in Inghilterra, in su matessi mese, e a cussos Mundiales in Germània de santugaine 2019. E, in su mese de santandria 2019, at isseberadu de organizare sos primos Campionados Natzionales Sardos de squat e istacos in Nùgoro.[7]

In su mese de làmpadas de su 2021 sunt nàschidas sas Natzionales Sardas de Basket masculina e feminina, e sa FINS est intrada in sa IBU (International Basketball Union).[8][9][10][11] Semper in su matessi mese sa FINS at publicadu in su situ suo sos nùmenes de sa responsàbile de su progetu (Basketball Manager), Laura Fois, e de su responsàbile de sa comunicatzione, Roberto Rubiu.[12][9][13]

Presidentes[modìfica | modìfica su còdighe de orìgine]

N. Fotografia Presidente Càrriga Notas
Incumintzu Agabbu
1 framless Gabrielli Cossu 2012 in càrriga [14]

Notas[modìfica | modìfica su còdighe de orìgine]

  1. (EN) The Sardinia National Team, NSS Magazine.
  2. (IT) Nuoro ospita la Fins, catalani e sardi in un derby di futsal indipendentista, in Diario Sportivo, 27 trìulas 2013. URL consultadu su 5 martzu 2019.
  3. (IT) Nazionale Sardegna contro Cagliari: amichevole per gli alluvionati, in Goal.com, 26 santandria 2013. URL consultadu su 5 martzu 2019.
  4. (IT) Alluvione, nazionale sarda in campo contro la Corsica, in La Nuova Sardegna, 5 nadale 2013. URL consultadu su 5 martzu 2019.
  5. (IT) Al via il campionato sardo di Hunter Field Target, in FINS, 26 martzu 2019. URL consultadu su 10 cabudanni 2019.
  6. (IT) FINS - Federatzione Isport Natzionale Sardu, La Natzionale sarda di Hunter Field Target sta gareggiando ai mondiali in Polonia., in www.facebook.com. URL consultadu su 10 cabudanni 2019.
  7. (IT) Il Powerlifting sardo ha la sua Federazione Nazionale, in FINS, 9 cabudanni 2019. URL consultadu su 10 cabudanni 2019.
  8. (IT) È nata la Nazionale Sarda di Basket, in FINS, 22 làmpadas 2021. URL consultadu su 31 austu 2021.
  9. 9.0 9.1 (IT) Natzionale Sarda di Basket: inizia un sogno sportivo, in Basketland, 1º trìulas 2021. URL consultadu su 31 austu 2021 (archiviadu dae s'url originale su 31 austu 2021).
  10. (IT) FINS, nasce la Natzionale Sarda di Basket, in Centotrentuno, 22 làmpadas 2021. URL consultadu su 31 austu 2021.
  11. (IT) Nasce la Nazionale sarda di basket, in Alguer.it, 24 làmpadas 2021. URL consultadu su 31 austu 2021.
  12. (IT) Responsabili Nazionale Sarda di Basket, in FINS, 30 làmpadas 2021. URL consultadu su 31 austu 2021.
  13. (IT) Nasce la Nazionale Sarda di Basket: Laura Fois è la Basketball Manager della FINS, in S&H Magazine, 29 làmpadas 2021. URL consultadu su 31 austu 2021.
  14. Sa Diretzione, in fins-sardigna.net. URL consultadu su 29 martzu 2019.

Artìculos ligados[modìfica | modìfica su còdighe de orìgine]

Ligàmenes esternos[modìfica | modìfica su còdighe de orìgine]