Giuseppe Fiori

Dae Wikipedia, s'entziclopedia lìbera.


Articulu in logudoresu

Giuseppe Fiori (Silanos, 1923 - Roma, 2003) est istadu unu iscritore e giornalista.

Biografia[modìfica | modìfica su còdighe de orìgine]

At traballadu comente redatore de L'Unione Sarda e a pustis in sa Rai, est istadu vitzediretore de su TG2, in ue at imbentadu una sèrie de editòriales polìticos a pustis regortos in Parole in TV. Dae su 1979 est elèghidu senadore pro tres lezisladuras, in antis de Igrèsias e a pustis de Aristanis: in sa matessi època est istadu diretore de "Paese Sera". A pustis de su libru-inchiesta subra de sos piscadores de Cabras (Baroni in laguna) at iscritu sa prima de sas biografias polìticas: a sa Vita di Antonio Gramsci, de su 1996, sunt sighidas sas de Michele Schirru, s'anàrchicu sardu fusiladu in su 1931 pro aer pessadu de ochier a Mussolini; de Emilio Lussu (Il cavaliere dei Rossomori, de su 1987); de Enrico Berlinguer, de su 1989.

At sestadu sa biografia de duos capos liberales sotzialistas mannos, Ernesto Rossi (Vita di un italiano, 1994) e Carlo Rosselli.

In su 1996 at sestadu in Il Venditore sa carrera imprenditoriale, e a pustis polìtica de Silvio Berlusconi.

Dae un'àteru libru-inchiesta subra de sa Sardinna, La società del malessere (1968), est istadu ispiradu su film Barbagia de Carlo Lizzani. Cun su romanzu Uomini ex subra de unu grupu de comunistas chi si nche sunt cuados in Praga in sos annos de sa Gherra Frita, at bìnchidu in su 1993 su Prèmiu Nàpule. Sonetàula est istadu giai publicadu in su 1962, ma pro s'editzione essida in su 2000 l'at cambiadu meda, faghende logu mescamente a sa realidade dolorosa e dramàtica de sos fatos personales de su protagonista.

Bibliografia[modìfica | modìfica su còdighe de orìgine]

Controllu de autoridadeVIAF (EN109418489 · ISNI (EN0000 0001 1867 6998 · CIRIS (IT709 · BIBSYS (EN90560079 · BNE (ESXX1270668 (data) · BNF (FRcb119028027 (data) · BAV (IT) ADV10182013 · CANTIC (CAa12337997 · GND (DE11939992X · LCCN (ENn80098402 · NDL (ENJA00439557 · NLA (EN35085243 · NLK (KOKAC2018K0093 · NTA (EN068391854 · OL OL201704A · SBN (ITCFIV057795 · SUDOC (FR026865467 · WorldCat Identities (ENn80-098402