Mare Tirrenu

Artìculu in LSC

Bista satellitare

Posidura de su Mare Tirrenu

Su Mare Tirrenu, (in napulitanu e italianu Mar Tirreno, in corsu e sardu logudoresu Mare Tirrenu, in sitzilianu e sardu campidanesu Mari Tirrenu, in frantzesu Mer Tyrrhénienne), faghet parte de su Mare Mediterràneu. Est su setore cumprèndidu intre sa costera peninsulare de Itàlia (regiones de Toscana, Làtziu, Campània e Calàbria) e is ìsulas de Còrsiga, Sardigna e Sitzìlia. Arribat a profundidade màssima de 3.785 metros.

Su nùmene de custa parte de sa Mediterràneu derivat de su nùmene chi daiant sos gregos a sos etruscos, chi fiant emigrados de Lídia cumandados dae su prìntzipe Tirrenu. Sos etruscos si fiant istabilidos in sa costera de s'atuale Toscana e si referiant a custu mare cun mare de Etrúria o Tuscum mare e fintzas Mare Inferum.

Portos majores

In sa penìsula Italiana, de norte a sud

Civitavecchia (portu de Roma), Nàpoli e Salerno; fintzas Reggio Calabria, chi s'agatat in s'istrintu de Messina, a mesu tretu intre sos mares Tirrenu e Jòniu

In Còrsiga

Bastia

In Sardigna

Casteddu e Terranoa

In Sitzìlia

Palermu e Tràpani, e Messina a s'istrintu de Messina