Olbia Calcio 1905

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu


S'Olbia Calcio 1905 s.r.l., mègius connota che a Òlbia, est una sotziedade de fùbalu italiana cun sede in sa tzitade de Terranoa[1].

Fundada in su 1906[2], est istada fundada torra in su 2010 pro s'esclusione decretada dae su Cussìgiu Federale de sa FIGC a pustis de su fallimentu pro motivos finantziàrios in suta de sa presidèntzia de Franco Rusconi e cun sa denominatzione de Olbia Calcio s.r.l.[3][4][5].

Pro s'istajone 2020-2021 mìlitat in sa Sèrie C, su de tres livellos de su campionadu italianu.

Su colore sotziale printzipale est su biancu, acostagiadu in manera istòrica dae su nieddu, in antis, e dae su blau atualmente. Sos sìmbulos identificativos sunt sa nae trireme e s'ìsula de Taulara. Su campu de giogu est s'Istàdiu Bruno Nespoli. De su 2015 s'iscuadra est de propiedade de s'imprendidore Alessandro Marino[6]. De sa fundatzione a oe at bintu 9 campionados. In su palmarès suo figurat fintzas un'Iscudetu Diletantes bintu in su 2002.

Istòria[modìfica | modìfica su còdighe de orìgine]

De sa fundatzione a su cumintzu de sa gherra[modìfica | modìfica su còdighe de orìgine]

Sa nàschida de sa prima sotziedade de fùbalu de sa tzitade est dudosa, ma pro sas crònacas locales, s'Unione Sportiva Olbia[7] est istada cuntzepida in su 1905, prus pretzisamente cara a sa fine de cuddu annu e su cumintzu de cussu imbeniente, candu sa tzitade si tzerriada Terranova Pausania. Su protzessu de fundatzione si fiat concruidu su 12 de ghennàrgiu 1906 cun su nùmene de Società Ginnastica Olbia, dae su chi narat un'artìculu de La Nuova Sardegna de su chenàbura de cussa die; custa sotziedade fiat nàschida che a sotziedade de ginnàstica fundada dae un'atleta tataresu, Egidio Serra. S'artìculu de s'època, iscritu dae Francu Sardu, elencat su primu cussìgiu diretivu chi aiat tentu che a presidente a Agostino Amucano.

A inghìriu a su 1912, su 20 de làmpadas de cuddu annu, a su chi narant sas crònacas, si fiat giogada una partida tra sos piseddos de sa sotziedade, arbitrada dae Paolino Macera de s'Andrea Dòria, mentras sa prima partida ufitziale in unu campionadu fiat istada L.C. (Lìberos Calciadores) Terranovese contra su Calangianus, acabada 2-0 pro sos terranoesos su 24 de austu de 1924. Pustis, in s'istajone 1924-1925, sos gadduresos aiant bintu su primu Torneu Sardigna contra sa Torres in finale.

S'atividade agonìstica torrat a cumintzare a livellu federale in s'istajone 1938-1939 cun sa denominatzione sotzietària de G.I.L. Terranova e sos piseddos, ghiados dae s'allenadore-giogadore Salvatore Satta naradu “Menelik”, aiant otentu sa prima istòrica promotzione in sa Sèrie C binchende su campionadu de sa Prima Divisione Regionale gràtzias a sas retzes de su cabucannoniere Flavio Piras e a unos àteros membros de s'iscuadra formada dae: Spano A., Jodice, Piccaredda G.M., Dejana, Satta, Pulina, Piro C., Picciaredda F., Piras, Crola e Careddu.

Sa prima istajone de sa noa G.I.L. Terranoa in Sèrie C, cun Gesuino Sardu presidente e Mario De Palma in sa banchita, no aiat tentu sorte bona, in generale, e difatis, pustis de sa prima vitòria in Sèrie C pro 1-0 contra su Stabia, fiat arribada una sèrie de derrotas chi aiant batidu a sa Prima Divisione, pustis de in pessu chi un'annu de permanèntzia, abarrende·nche pro tres istajones consecutivas finas a sa suspensione de sos campionados pro neghe de sa Seconda Guerra Mundiale.

Dae su Pustisgherra a sos annos Setanta[modìfica | modìfica su còdighe de orìgine]

Pustis de sa suspensione de sas fainas isportivas pro càusas bèllicas, in s'istiu 1947, sos arbos torrant a cumentzare in su girone O de sa Sèrie C concruende⋅lu cun unu 6º postu positivu ma sa sotziedade, pro dificultades finantziàrias, a sa fine de s'istajone aiat rinuntziadu a s'iscritzione detzidende de torrare a partire dae sos campionados sardos minores.

In su campionadu de sa Prima Divisione Sardigna 1948-1949, s'Òlbia fiat torradu a dae segus a s'acabu de un'istajone de passione, abarrende no ativa agonisticamente pro duas istajones. Nointames custu, s'atividade de su fùbalu fiat sighida a livellu locale, gràtzias a unu grupu de giòvanos terranoesos rapresentados dae Mariano Spano, Tonino Varrucciu e Bruno Garrucciu.

Pustis de su perìodu de inatividade, su cambiamentu est arribbadu a s'acabu de su campionadu de sa Prima Divisione Sardigna 1951-1952, cun s'arribu de su campione de su mundu Gino Colaussi - chi aiat acabadu sa carriera sua de giogadore, pighende parte a 7 garas e faghende unu gol in su cursu de su campionadu intreu - pro incumentzare cussa de allenadore. In s'annu imbeniente, s'Òlbia aiat conchistadu sa promotzione in su campu in Sèrie D e, pròpiu gràtzias a Colaussi in sa banchita, fiant intradas in campu promissas giòvanas che a Gustavo Giagnoni, chi in s'Òlbia aiat fatu 77 incontros cun 23 gol in antis de partire cun sa fortunada carriera sua de giogadore e allenadore a sos livellos màssimos.

Posca su Terranoa, a pustis de àere cumbàtidu in sas positziones de conca pro torrare in sa màssima Divisione diletantìstica, in s'istajone de 1956-1957 aiat otènnidu su primu postu e fiat torradu in su Campionadu Interregionale, chi a pustis ant torradu a mutire Sèrie D.

Bìndighi annos a pustis, intre sa Sèrie D e un'esperièntzia curtza in sa Prima Divisione Sardigna in su 1963-1964 - a sa cale aiat sighidu un'artziada immediadain sa de bator sèries de su campionadu italianu in su 1968 -, s'Òlbia si fiat agatadu, pro sa de tres bortas, in Sèrie C, in suta de sa presidèntzia de Elio Pintus e Paolo "Palleddu" Degortes in sa banchita, binchende su girone F de sa Sèrie D e torrende tra sos professionistas pustis de belle binti annos de ausèntzia, gràtzias a sas retzes de Benvenuto Misani e Selleri e a sas paradas de Bettella.

Dae sos annos Setanta a sas dies nostras[modìfica | modìfica su còdighe de orìgine]

Dae manca: su capitanu Giagnoni, Caocci, Bagatti, Petta e Marongiu in s'Olbia in s'istajone 1976-1977.

In sos annos in Sèrie C e a pustis in sa declassada Sèrie C2, a pustis de s'adiosu de Elio Pintus a su timone de sa sotziedade in su 1981 e su s'intreverare de presidentes medas, sos biancos si sunt istabilizados intre sa de tres e sa de bator divisiones professionistas, otenende che a mègius tzantziamentu unu 4u postu in s'istajone de sa Sèrie C2 1993-1994. In sos annos a pustis, s'Òlbia aiat pigadu parte a campionados bonos e malos intre sa Sèrie D e sa Sèrie C, pro torrare a frecuentare s'Eccellenza Sardigna finas a s'istajone 2009-2010, cando, a pustis de pagu prus de un'annu dae su resurtadu istòricu de sos play-off in sa Sèrie C2 aiat pèrdidu contra a s'Alessandria (una vitòria e una derrota pro 1-0, ma eliminados pro sa peus classìfica), s'Òlbia semper pro problemas finantziàrios fiat partidu dae s'Eccellenza Sardigna, cambiende dirigèntzia e denumenatzione a pustis de s'arribu de s'imprendidore brescianu Franco Rusconi chi, in su 2007, aiat rilevadu sa sotziedade ghiende·la a bonos resurtados in sa Sèrie C2, e arribende a fàghere sos play-off in su 2008-09.

A pustis de tres istajones in sa divisione regionale màssima e unu fallimentu acontèssidu in su 2010, gràtzias a sa partèntzia noa in Eccellenza Sardigna cun unu grupu de ex giogadores e Pino Scanu a sa presidèntzia, s'Òlbia fiat resèssidu a torrare in sa Sèrie D, gràtzias a unu puntègiu finale de 69 puntos costituidos dae 21 garas bintas, 6 paregiadas e 3 pèrdidas, cun 69 retzes fatas e 23 subidas.

In su campionadu de sa Sèrie D 2014-2015, s'iscuadra aiat isfioradu sa promotzione in sa Lega Pro, concruende cun unu 3u postu finale, a pustis de sa Lupa Castelli Romani e de sa Viterbese, perdende cun cust'ùrtima sa finale play-off de su girone G.

Su 30 de santandria de su 2015, a pustis de chimbe annos de gestione de Pino Scanu, chi aiat torradu a pigare sa sotziedade in Eccellenza Sardigna a pustis de sos problemas finantziàrios, aiant nominadu che a presidente nou Alessandro Marino, dotzente de istrategia in sa LUISS University, finas a s'annu antepostu in su CDA de su Cagliari e vitze presidente de su Fluorsid Group.[8].

In su campu su Terranoa aiat torradu a recuperare dae su de noe a su de chimbe postu, cungende su campionadu a cuota 62 puntos a mèritu parinale cun Rieti e Torres, de pare a pare sa de bator e sa de tres classificada in virtude de su mègius positzionamentu in sa classìfica avulsa. S'Òlbia aiat istacadu gasi su billete pro andare a sos isparègios play-off chi aiat bintu cun autorevolesa binchende in sos campos de su Grosseto (semifinale) e de sa Torres (finale). Sa vitòria de Tàtari[9], chi mancaiat dae prus de 24 annos, aiat torradu a batire entusiasmu mannu a beru in tzitade e aiat cunsentidu a s'Òlbia de si pònnere in su grupu de sas primas sotziedades ripescàbiles pro sa Lega Pro 2016-2017.[10].

Su 4 austu, a pustis de sas detzisiones assùmidas dae su Cussìgiu Federale de sa FIGC, s'Òlbia l'ant ripescada ufitzialmente in sa Lega Pro e insertada in su girone A, e duncas at torradu a giogare unu campionadu de su de tres livellos a pustis de 38 annos.[11][12][13].

In s'istajone 2020-21 s'Òlbia partètzipat a su campionadu de Sèrie C, su de tres livellos de s'organizatzione de su fùbalu italianu, essende in custu momentu sa segunda iscuadra prus importante de s'ìsula.

Cronistòria[modìfica | modìfica su còdighe de orìgine]

Lista de sas istajones de s'Òlbia

Colores e sìmbulos[modìfica | modìfica su còdighe de orìgine]

Colores[modìfica | modìfica su còdighe de orìgine]

Una formatzione de su Terranoa 1932-1933, in màllia palata ruja e niedda.

Su colore traditzionale de sa sotziedade gadduresa est su biancu, pro custa resone s'istivinzu Bianchi identìficat a sos calciadores terranoesos. In ocasione de su primu derby cun sa Torres - fatu in su 1924 - su Terranoa aiat bestidu una divisa granada. In sos primos annos binti, annotamala, s'U.S. Terranovese aiat bestidu màllias ruju-nieddas e biancas cun una rughe niedda. Semper de su matessi perìodu est s'apositzione in sas divisas de giogu de sos bator moros, sìmbulu de s'ìsula.[14]

Sìmbulos ufitziales[modìfica | modìfica su còdighe de orìgine]

Istemma[modìfica | modìfica su còdighe de orìgine]

S'istemma sotzietàriu, in sas vàrias evolutziones suas in su cursu de sos annos, est semper istadu caraterizadu dae sa presèntzia de sa nae trireme e dae sa sàgoma de s'ìsula de Taulara, chi apartenet a su comunu de Terranoa, in sa suta-regione de sa Gaddura. A bortas, in carchi versione, at agatadu postu sa figura de sos bator moros.

Su logotipu atuale at debutadu in su freàrgiu 2016. In su cumplessu, ammentat su de su Cagliari: un'iscudu triangulare cun una nae, non prus trireme, in sa vela de sa cale cumparent sos bator moros. In s'isfundu, birde ismeraldu, b'est sa sàgoma niedda de s'ìsula de Taulara. Sunt presentes fintzas su nùmene "Òlbia" e sa data de fundatzione, 1905. S'istemma, cando chi prus adatu a sos cànones de marketing modernos, at retzidu su disaprovu de un'ala de sos tifosos ca narant chi no est in lìnea cun sa traditzione de su tempus coladu.[15].

Innu[modìfica | modìfica su còdighe de orìgine]

S'Innu ufitziale de s'Òlbia s'intìtulat Olè, Terranoa olè, est de sos primos annos duamìgia e est cantadu dae Nena Derosas.[16][17]

Palmarès[modìfica | modìfica su còdighe de orìgine]

Cumpetitziones italianas

  • Iscudetu Diletantes
    • Binchidore (1): 2001-02
  • De 4 livellos
    • Binchidore (2): 1967-68, 1974-75
  • De 5 livellos
    • Binchidore (3): 1982-83, 1985-86, 2001-02
  • Copa Cossu-Mariotti
    • Binchidore (2): 1966-67, 1974-75

Cumpetitziones sardas

  • Primu livellu
    • Binchidore (6): 1930-31, 1938-39, 1952-53, 1956-57, 1963-64, 2012-13
    • Segundu (4): 1941-42, 1942-43, 1954-55, 2011-12
  • Copa de Sardigna
    • Finalista (1): 2012-13

Torneos amistosos

  • Trofeu Sardigna
    • Finalista (4): 2016, 2017, 2018, 2019
  • Trofeu Goleador
    • Finalista (1): 2016

Istruturas[modìfica | modìfica su còdighe de orìgine]

Istàdiu[modìfica | modìfica su còdighe de orìgine]

In orìgine is calciadores terranoesos giogaiant in unu campu chi currispondet a su chi oe est Tzentru Martini. In su 1925 ant inauguradu su "Campu Isportivu Armando Casalini", intituladu a sa memòria de s'omònimu deputadu fascista assassinadu in su cabudanni de su 1924.[18][19]

In su 1940, in su terrenu in ue bi fiat su Campu Casalini, ant inauguradu s'Istàdiu Cumonale, a pustis intituladu a su portiere Bruno Nespoli, mortu in su 25 de ghennàrgiu de su 1960 a pustis a un'iscontru de giogu durante una Terranoa-Carrarese.[20] S'impiantu naschet in Bia Ungheria e tenet una càbida totale de 3'209 postos, cun s'inclusione de sos 586 de su setore acasagiados.[21]

Sotziedades[modìfica | modìfica su còdighe de orìgine]

Organigramma sotzietàriu[modìfica | modìfica su còdighe de orìgine]

Setore giovanile[modìfica | modìfica su còdighe de orìgine]

Su setore giovanile de su Terranoa contat belle 300 iscritos.[22] S'iscola càrchido est assentada dae iscuadras Minores Amigos (annos 2007, 2008 e 2009), Pulcini (2005, 2006 e mistos) e Esordientes (2003 e 2004).[23] Annotamala sunt presentes iscuadras Giòvanos a beru (provintziales e élite), Dischentes (élite) e Juniors (regionale).[24]

Cun s'arribu a sa presidèntzia de Alessandro Marino - in su nadale de su 2015 - ant istadu predispostu unu potentziamentu de s'Academy cun sa punna de pònnere su setore giovanile terranoesu che a polu de riferimentu pro su territòriu gadduresu.[25] Ant, duncas, printzipiadu una sèrie de initziativas intre sas cales ispicat sa "Festa de is Amigos Minores", sa prima editzione de sa cale s'est acumprida in su freàrgiu de su 2016, ammaniada dae sa Delegatzione Provintziale de Tèmpiu de sa FIGC e acasagiada in s'istàdiu Nespoli, a sa cale ant pigadu parte sotziedades medas de su territòriu.

Istatìsticas e rècords[modìfica | modìfica su còdighe de orìgine]

Partetzipatzione a is campionados[modìfica | modìfica su còdighe de orìgine]

Livellu Categoria Partetzipatziones Imbucada Ùrtima istajone Totale
Sèrias C 11 1939-1940 1977-1978 12
Lega Pro 1 2016-2017
IV Sèrias 1 1953-1954 36
Campionadu Interregionale 1 1958-1959
Sèrias D 11 1959-1960 2015-2016
Sèrias C2 21 1978-1979 2007-2008
Lega Pro sa Segunda Divisione 2 2008-2009 2009-2010
Campionadu Interregionale - 2ª Cat. 1 1957-1958 11
Sèrias D 6 1979-1980 2014-2015
Campionadu Interregionale 3 1981-1982 1985-1986
Campionadu Natzionale Diletantes 1 1998-1999
Regionales
Livellu Categoria Partetzipatziones Imbucada Ùrtima istajone Totale
I Prima Divisione 7 1938-1939 1951-1952 15
Promotzione 4 1952-1953 1956-1957
Prima Categoria 1 1963-1963
Primore 3 2010-2011 2012-2013
II Sa de tres Divisiones 1 1933-1934 1

Partetzipatzione a sas copas[modìfica | modìfica su còdighe de orìgine]

Cumpetitzione Partetzipatziones Imbucada Ùrtima istajone Totale
Copa Itàlia Semiprofessionisti 7 1972-1973 1978-1979 30
Copa Itàlia Sèrias C 20 1983-1984 2007-2008
Copa Itàlia Ligat Pro 3 2008-2009 2016-2017
Copa Itàlia Sèrias D 3 2013-2014 2015-2016 3
Iscudetu diletantes 1 2001-2002 1

Istatìsticas de iscuadra[modìfica | modìfica su còdighe de orìgine]

De sighida is printzipales rècords de iscuadra de s'istòria de sa Terranoa.[26]

  • Mègius vitòria interna: Olbia-Turritano 10-0 (5 abrile 1953)
  • Mègius vitòria esterna: Wilier-Olbia 0-6 (29 martzu 1964)
  • Pègius derrotada interna: Olbia-Assemprat 0-10 (4 santugaine 1953)
  • Pègius derrotada esterna: Casteddu-Olbia 9-1 (4 santandria 1946)
  • Parègiu internu cun prus retzes: Olbia-Casteddu Sardu 4-4 (2 maju 1999)
  • Parègiu esternu cun prus retzes: Virtus Entella-Olbia 3-3 (13 làmpadas 1971)
  • Partida cun prus espèllidos: Formia-Olbia 2-1, 7 espèllidos (5 ghennàrgiu 1971)
  • Partida cun prus rigores cuntzèdidos: Virtus Entella-Olbia, 2 rigores pro parte (7 maju 1972)
  • Majore nùmeru de gol realizados: 86 gol (1963-1964, Prima Categoria)
  • Minore nùmeru de gol realizados: 13 gol (1990-1991 , Sèrie C2)
  • Minore nùmeru de gol subidos: 10 gol (1985-1986, Campionadu Interregionale)
  • Majore nùmeru de gol subidos: 73 gol (1948-1949, Prima Divisione)
  • Mègius realizadore in un'ùnicu addòbiu: cun 5 gol, Piero Paoli (1952-1953, Terranoa-Turritanu 10-0) e Benvenuto Misani (1963-1964, Terranoa-Bosa 7-0)

Tifoseria[modìfica | modìfica su còdighe de orìgine]

Crobinàgios e rialias[modìfica | modìfica su còdighe de orìgine]

Sas Brigate Bianche, sos Ultras Mare e sos grupos como isciòllidos de sos Ultrà Metropolitan e de sos Boys de Terranoa sunt ligados dae raportos de crobinàgiu istrintos cun sas tifoserias sardas de su Cagliari e de su Calangianus. Dae su 2002, sa tifoseria terranoesa est gemellada cun sos ultras de su Frosinone.[27] Raportos de amighèntzia bi sunt imbetzes cun sas tifoserias de Catanzaro[28] e Voghera.[29]

Sas duas rialias prus fortes sunt cussas cun sa Torres, cun sa cale giogat su Derby de su Cabu 'e Susu[30] e cun su Tèmpiu, cun su cale giogat su Derbi de Gaddura.

Riferimentos[modìfica | modìfica su còdighe de orìgine]

  1. (IT) Contatti, in https://www.olbiacalcio.com. URL consultadu su 29 santandria 2020.
  2. (IT) Storia, in https://www.olbiacalcio.com. URL consultadu su 29 santandria 2020.
  3. (IT) Unione Sarda - L'Olbia è morta,evviva l'Olbia, in Tutto Cagliari. URL consultadu su 17 trìulas 2010.
  4. (IT) Comunicato Ufficiale n. 48/A (PDF), in http://www.figc-crt.org/, 21 trìulas 2010. URL consultadu su 17 trìulas 2010.
  5. (IT) Nasce sua Eccellenza l'Olbia 1905, in La Nuova Sardegna, 2 austu 2016. URL consultadu su 3 austu 2016.
  6. (IT) Calcio. Alessandro Marino è il nuovo presidente dell'Olbia. Obiettivo: "Subito la Lega Pro". Il saluto di Pino Scanu tra le lacrime, in Olbianova. URL consultadu su 3 austu 2015.
  7. Su sèberu de su nùmene depet èssere postu in relatzione a su cuntestu istòricu de sa fundatzione: "Interessante est s'esèmpiu de sa Sardigna; inoghe, a su cumintzu de su de XX sèculos, naschent istitutziones medas chi, in manera anàloga a s'Amèrica Latina, torrant a iscobèrrere e torrare donu a su pròpiu passadu, in unu momentu de forte re-iscoperta de s'identidade sarda. Naschent, difatis, sa Torres de Tàtari (1903), chi ghenna su nùmene de unu de sos bator giudicados indipendentes de sa Sardigna medievale; s'Olbia (1905), cando sa tzitade si mutiat galu Terranova e sos fundadores ant torradu a impreare su nùmene de sa tzitade antiga. In Casteddu esistiant sas setziones de fùbalu de s'Amsicora, eroe sardu-cartaginesu, e de s'Eleonora de Arborea, giuighissa de Arborea. In Tàtari fiat ativa sa Josto, de su nùmene de su fìgiu de Amsicora, mentras in Aristanis at a bènnere fundada sa Tharros (1906), istòrica tzitade in sa costa tzentru-otzidentale de sa Sardigna. Fintzas in s'ìsula, tando, s'at fatu massitzu ricursu a nùmenes istòricos e de eroes indìgenos pro fundare un'identidade chi èsseret fintzas isportiva". Domenico Branca, “Serás eterno como el tiempo y florecerás en cada Primavera”: La squadra di calcio come fenomeno identitario, vol. 1, nº 1, 2012, pp. 59–69, DOI:10.7340/anuac2239-625X-16.
  8. (IT) L’Olbia nelle mani di Alessandro Marino, in La Nuova Sardegna. URL consultadu su 30 santandria 2020.
  9. (IT) L'Olbia vince il derby promozione contro la Torres, le immagini della partita - Foto - la Nuova Sardegna, in La Nuova Sardegna. URL consultadu su 30 santandria 2020.
  10. (IT) La festa dei blancos. Entro giugno la nuova Lega Pro, in La Nuova Sardegna. URL consultadu su 30 santandria 2020.
  11. (IT) UFFICIALE: L'OLBIA TORNA IN LEGA PRO!, in olbiacalcio.com, 4 austu 2016. URL consultadu s'11 austu 2016.
  12. (IT) Olbia, il presidente Marino annuncia: "Lega Pro. Un sogno che si avvera", in Tuttomercatoweb, 4 austu 2016. URL consultadu su 4 austu 2016.
  13. (IT) CONSIGLIO FEDERALE: DECISI I RIPESCAGGI IN LEGA PRO, in lega-pro.com, 4 austu 2016. URL consultadu su 4 austu 2016.
  14. (IT) Storia, in https://www.olbiacalcio.com. URL consultadu su 29 santandria 2020.
  15. (IT) L’Olbia sconfigge la capolista! (E cambia logo), in olbia.it, 1º freàrgiu 2016. URL consultadu su 3 austu 2016.
  16. (IT) Kentannos: un libro e 100 candeline per l’Olbia Calcio, in comune.olbia.ss.it, 20 maju 2006. URL consultadu su 2 austu 2016.
  17. (IT) Olè, Olbia olè, http://lanuovasardegna.gelocal.it/, 21 abrile 2015. URL consultadu su 20 austu 2016.
  18. (IT) Le piccole storie di Olbia - 4ª parte, http://www.comune.olbia.ss.it/. URL consultadu su 2 austu 2016.
  19. (IT) Com'è il calcio di destra?, http://blog.guerinsportivo.it/, 11 martzu 2011. URL consultadu su 2 austu 2016.
  20. (IT) PERCHE' NESPOLI....LA STORIA DELLO STADIO DI OLBIA..., in blog.libero.it, 10 agustu 2007. URL consultadu su 2 agustu 2016.
  21. (IT) Stadio Bruno Nespoli, in olbiacalcio.com. URL consultadu su 2 austu 2016.
  22. (IT) L’Olbia come Spa e nuovo stadio, in lanuovasardegna.gelocal.it, 2 nadale 2015. URL consultadu su 2 austu 2016.
  23. (IT) Scuola calcio, in olbiacalcio.com. URL consultadu su 2 austu 2016.
  24. (IT) Settore giovanile, in olbiacalcio.com. URL consultadu su 2 austu 2020.
  25. (IT) Piccoli amici dell'Olbia, in olbiacalcio.com. URL consultadu su 2 austu 2020.
  26. Zappadu, Fontanelli
  27. (IT) Frosinone - Olbia, in frosinonecalcio.com. URL consultadu su 2 nadale 2020 (archiviadu dae s'url originale su 2 freàrgiu 2014).
  28. (IT) Davide Pane, Olbia-Catanzaro. Cronaca di una trasferta e di amicizie tra tifosi, in UsCatanzaro.net, 6 maju 2003. URL consultadu su 2 nadale 2020.
  29. (IT) Storia della "Voghe", in acvoghera.com. URL consultadu su 2 nadale 2020 (archiviadu dae s'url originale su 25 maju 2013).
  30. (IT) Scontri e sangue dopo il derby Feriti gli ultras di Olbia e Torres, in unionesarda.it, 11 santugaine 2010. URL consultadu su 2 nadale 2020 (archiviadu dae s'url originale su 14 santugaine 2010).

Bibliografia[modìfica | modìfica su còdighe de orìgine]

  • (IT) Salvatore Zappadu e Carlo Fontanelli, Kentannos. Storia dell'Olbia calcio dalle origini al terzo millennio, in La Biblioteca del Calcio, Geo Edizioni, 2006, p. 400..

Boghes curreladas[modìfica | modìfica su còdighe de orìgine]

Collegamentos esternos[modìfica | modìfica su còdighe de orìgine]