Užhorod

Dae Wikipedia, s'entziclopedia lìbera.

Coordinadas: 48°37′26″N 22°17′42″E / 48.623889°N 22.295°E48.623889; 22.295


Artìculu in LSC

Užhorod
Posidura de Užhorod in s'Oblast de Transcarpàtzia

Užhorod (in ucrainu Ужгород) est una tzitade de unos 100.000 abitantes de Ucraina, chi s'agatat a sa lacana cun s'Islovàchia e s'Ungheria, sea de s'Oblast de Transcarpàtzia. Sa regione istorica de apartenèntzia est sa Rutènia.

Istoria[modìfica | modìfica su còdighe de orìgine]

S'origine de sa tzidade benit a su mancu de su seculu X e fintzas a sa fine de sa I Gherra Mundiale beniat inditada cun su nòmene ungheresu de Ungvár.

In su 1920, cun Tratadu de Trianon sa Rutènia subcarpàtica, in ue sa tzitade est tzentru printzipale, fiat passada a sa Tzecoslovàchia, pro torrare a èssere ungheresa in su 1938 cando sa Tzecoslovàchia, fiat obligada de Germania e Italia nazi-fascistas a si retirare de medas territòrios.

In sa II Gherra Mundiale is sovièticos dd'aiant ocupada in su 1944, e a sa fine de sos cumbatimentos sa Tzecoslovàchia, torrada a si costituire, dd'aiat dèpida donare a s'Unione Soviètica impare a totu sa regione. Giai in territòriu de sa Repùblica Socialista Soviètica de Ucraina, est de su 1991 parte de s'istadu indipendente de Ucraina.