Artos de Frantza

Artìculu in LSC

Logo de sa regione

Posidura in Frantza

Bandera proposta

S'Artos de Frantza (in frantzesu: Hauts-de-France) est una regione de sa Frantza, istituida in su 2016 in cunsighidu a sa reforma territoriale de s'annu pretzedente, cun chi sunt istadas acorpadas is regiones Norte-Passu de Calais e Picardia. Est partxida in chimbe dipartimentos e su cabulogu suo est Lilla. Is tzitades printzipales de sa regione, a parte de Lilla, sunt Amiens, Dunkerque, Calais e Beauvais.

Sa regione s'isterret pro una subrafache de 31.813 km² e tenet una populatzione de unos 6 milliones de bividores. Làcanat in s'ovest cun sa Normandia, in su sud cun da regione de Ìsula de Frantza, in su sud-estu cun sa regione de Grand-Est, in su nord-estu cun su Bèlgiu, in su norte ovest si ghetat in su Canale de sa Màniga e in su norte in su Mare de su Norte.

Est assentada in sos dipartimentos: Aisne (02), Nord (59), Oise (60), Passu de Calais (62) e Somme (80). Sunt inclùidos in sa regione 145 cantones e 3838 comunas.

Cun sa fusione, sa regione at assùntadu su nùmene provisòriu de Norte-Passu-de-Calais-Picardia (Nord-Pas-de-Calais-Picardie). Su 14 martzu 2016 est istadu votadu dae su cussìgiu regionale, cun 116 votos favorèvoles e 54 contràrias, su cambiu de su nùmene in Hauts-de-France (Artu de Frantza). Partende dae su 30 cabudanni 2016 su nùmene est istadu ufitzializadu dae su Guvernu.