Larentu Pusceddu

Dae Wikipedia, s'entziclopedia lìbera.
Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Larentu Pusceddu
Àteros nùmenesLorenzo Pusceddu
Nàschida6 de freàrgiu de su 1947
Oroteddi
Morte9 de ghennàrgiu de su 2016
Roma
Traballuiscritore, poeta, cantadore e giornalista
Professionedirigente sindicale de sa CGIL
Prèmios
Contributos de importuAutore de su primu romanzu in limba sarda de s'istòria

Larentu Pusceddu, (Oroteddi, 6 de freàrgiu de su 1947 - Roma, 9 de ghennàrgiu de su 2016[1][2][3]) est istadu un'iscritore, poeta, cantadore[4], giornalista e dirigente sindacale sardu.

Biografia[modìfica | modìfica su còdighe de orìgine]

Diplomadu in Agrària, est istadu dirigente sindicale de sa CGIL in Thiniscole, in ue istaiat dae su 1973 cun sa mugere Luisa e sos fìgios Igor e Danila. At collaboradu cun giornales e televisiones: Sa Sardigna, Natzione Sarda, La Nuova Sardegna e Telesardegna.

At iscritu poesias, contos, romanzos. Pro custu, l'ant dadu reconnoschimentos in prèmios literàrios: Tzitade de Otieri[5], Meilogu, Romàngia, Bonorva, Macumere, Durgali, Oroteddi, Nùgoro, Mamujada, Casteddu, Pasada, Ossi, Mores, etc.

In su 1979 at publicadu Dae s'umbra de s'ístoria unu discu a 33 giros de mùsica in limba sarda, cun s'eticheta "Edizioni dell'Isola".[6]

In su 1982 at iscritu S'àrvore de sos Tzinesos, su primu romanzu in sardu de semper, publicadu dae sa domo editora "Editziones de sa Nae" de Nùgoro.[7][8][9][2]

In su 1991 at publicadu su de duos romanzos suos, Mastru Taras, cun sa Papiros de Nùgoro, e in su 2006, semper cun issos, Dona Mallena[10], romanzu cun su cale at bìnchidu su Prèmiu Casteddu de sa Fae de Pasada.

In su 2005, imbetzes, at publicadu Pipinidas e Iscazas: Contos pro feduliu, una regorta de contos, cun sa domo editora Solinas, e in su 2008 at bortadu a su sardu una regorta de poesias de su poeta armenu Daniel Varujan, publicadas cun su tìtulu Su canticu de su pane.

In su 2011 est torradu a sos romanzos cun Sordadu Nangu: De gherra e de amore, publicadu cun sa Condaghes, chi contat s'istòria de unu sordadu in sos annos de sa prima gherra mundiale.[11]

Est mortu in su 2016, in Roma, lassende unu romanzu galu non publicadu, S'arzola de s'ena, chi est essidu in su 2017 cun sa Papiros.[12]

Òperas[modìfica | modìfica su còdighe de orìgine]

Musicales[modìfica | modìfica su còdighe de orìgine]

  • Dae s'umbra de s'ístoria [LP] (Edizioni dell'Isola, 1979);

Literàrias[modìfica | modìfica su còdighe de orìgine]

Comente autore[modìfica | modìfica su còdighe de orìgine]

Comente tradutore[modìfica | modìfica su còdighe de orìgine]

  • Daniel Varujan, Su canticu de su pane: Il canto del pane, tradutzione de Larentu Pusceddu, Pàdova, Libreria Padovana Editrice, 2008, ISBN 978-88-8977-515-8, SBN IT\ICCU\CAG\1618245. (tradutzione in sardu de poesias de su poeta armenu).

Riferimentos[modìfica | modìfica su còdighe de orìgine]

  1. Adiosu Larentu Pusceddu, fundadore de sa prosa in sardu, in Limba Sarda 2.0, 10 ghennàrgiu 2016. URL consultadu su 13 ghennàrgiu 2023.
  2. 2.0 2.1 (IT) Morto Larentu Pusceddu, autore del primo romanzo in sardo, in La Nuova Sardegna, 11 ghennàrgiu 2016. URL consultadu su 13 ghennàrgiu 2023.
  3. Mauro Piredda, Oto annos sena Larentu Pusceddu, in Istorias, 9 ghennàrgiu 2024. URL consultadu su 31 ghennàrgiu 2024.
  4. Larentu PUSCEDDU, in LimbaTestos, Papiros. URL consultadu su 13 ghennàrgiu 2023.
  5. Premio Ozieri di Letteratura Sarda - CHE PITZINNA BISSIOSA, in www.premiozieri.it. URL consultadu su 13 ghennàrgiu 2023.
  6. (IT) Gianfranca Orunesu, Ad un anno dalla scomparsa di Larentu Pusceddu l'appello di Bomboi (Urn Sardinnya): «Intitoliamogli una strada, un qualsiasi altro spazio pubblico o una targa», in Siniscola Notizie, 12 ghennàrgiu 2017. URL consultadu su 13 ghennàrgiu 2023.
  7. Sarvadore Serra, Larentu Pusceddu, romanzos in limba sarda., in Limba Sarda 2.0, 10 martzu 2022. URL consultadu su 13 ghennàrgiu 2023.
  8. Antoni Arca, Benidores: literadura, limba e mercadu culturale in Sardigna, in Samanunga, Casteddu, Condaghes, 2008, ISBN 978-88-7356-122-4, OCLC 256927104.
  9. (IT) Quando venne scritto il primo romanzo in sardo, in Focusardegna, 16 freàrgiu 2016. URL consultadu su 13 ghennàrgiu 2023.
  10. Sotziu Limba Sarda - Associazione per la Lingua Sarda, in www.sotziulimbasarda.net. URL consultadu su 13 ghennàrgiu 2023.
  11. Sordadu Nangu: sa Gherra Manna bida cun àteros ogros, in Limba Sarda 2.0, 3 maju 2015. URL consultadu su 13 ghennàrgiu 2023.
  12. Mauro Piredda, Thiniscole at ammentadu a Larentu Pusceddu. Presentadu s'ùrtimu libru suo “S'arzola de s'ena”, in Siniscola Notizie, 2017-14-09. URL consultadu su 13 ghennàrgiu 2023.

Ligàmenes esternos[modìfica | modìfica su còdighe de orìgine]

Controllu de autoridadeMusicBrainz 344ea78d-6e71-4186-a292-fe27f0e0e32e · OL OL12186708A