Wikipedia:Tutorial/Càmbios

Dae Wikipedia, s'entziclopedia lìbera.
Jump to navigation Jump to search



Introduida

Mudàntzias

Furmatatzione

Ligàmenes

Fontes

Cuntierras

Ammenta·ti

Registratzione

Resumu


Modificare sa majoria de sas pàginas de Wikipedia est fàtzile. Podes seberare intre duos mètodos: *editing clàssicu tràmite wiki markup (wikitext); e VisualEditor (VE), unu sistema nou.

Su VisualEditor est unu sistema user-friendly, chi ti permitit de modificare sas pàginas sena dèpere, in antis, imparare su còdighe de orìgine. Sa ghia pro s'impitadore de VisualEditor tenet àteras informatziones chi li pertocant.

Muda de sos ambientes

Pro fàghere una modìfica incarca in s'ischeda Modìfica in s'ala superiore de una pàgina de Wikipedia opuru in su ligàmene biaitu ( [muda]) a dereta de s'intestatzione de una setzione. Custu t'at a batire a una pàgina noa chi cuntenet su càbidu mudàbile de sa pàgina currente. Su còdighe de orìgine est impreadu in manera ampra in Wikipedia pro elementos che a ligàmenes, tàulas e colonnas, notas in bassu , tzitatziones in sas lìnias, caràteres ispetziales.

Modìficas NON atzetadas

Sa Wikipedia in sardu funtzionat cun sa collaboratzione de totu sos impitadores de ogni ala de sa Sardigna, e s'est detzisu a oe, de cunsiderare curretas sas formas de iscritura cun sas règulas grammaticales adatas de sas grafias campidanesa, logudoresa, nugoresa e de sa LSC (sa grafia standard impreada dae sa RAS). Pro custas resones, una pàgina iscrita in campidanesu non podet èssere iscantzellada e torrada a iscriere in un'àtera variante, pro esèmpiu, ca una variante no est mègius de s'àtera, a patu chi sas pàginas siant bastante agiornadas e non siant abbotzos. Si cheres iscriere una pàgina cun sa variante tua, ma sa pàgina de su matessi argumentu esistit giai, la podes semper creare impreende sos trastos chi ti frunimus. Si, pro esèmpiu, sa pàgina "Nuraghe" esistit giai in LSC, tue nde podes creare un'àtera in campidanesu narada "Nuraghe/campidanesu" o "Nuraxi/campidanesu" e ligare s'una a s'àtera cun su Template:LSC.

Pro àteras informatziones, abàida Agiudu:Grafias de Wikipedia


Resumu de sas mudàntzias

Frunire unu resumu de sos cambiamentos chi as aportadu est cunsideradu de importu, ca a pustis est prus fàtzile pro sos àteros impitadores cumprendere ite as fatu e contribuire issos puru.

Pro àteras informatziones, abbàida Help:Edit summary

Ammustra s'antiprima

In antis de incarcare "Pùblica sas modìficas" est una cosa bona a proare sos càmbios e incarcare in subra de "Ammustra s'antiprima". Totu cantos faghimus faddinas, impreare Ammustra s'antiprima in antis de publicare nos agiuat a las acontzare in antis chi calicun'àteru las bidat! Custu agiuat fintzas a non nche prenare sa pàgina de s'istòria cun càmbios minores.

Sos tastos pro publicare e bìdere s'antiprima
Pro àteras informatziones abbàida Help:Show preview

Sarba sa pàgina

As postu unu resumu de sas modìficas? As bidu giai comente at a pàrrere in s'antiprima? Tando se prontu pro incarcare in subra de "Pùblica sas modìficas"!


Documentos multimediales

Petzi sos impitadores chi sunt intrados in su contu issoro (ant fatu su log in) podent carrigare documentos, e depent tènnere unu tìtulu apropriadu. Sa prima cosa de importu est a èssere seguros chi su materiale chi si cheret carrigare non siat protetu dae su deretu de autore. Podes carrigare petzi materiale fatu dae tene, o materiale de àteros ma cun una autorizatzione apropriada. Carrighende su materiale, Wikipedia t'at a ghiare in su protzessu.

Wiki markup

Unu video chi mustrat comente carrigare videos in Wikipedia, sutatituladu in sardu

Immàgines, sonos e videos podent a beru fàghere bellu un'artìculu. Unu documentu chi ant giai postu a intro de Wikipedia o de Wikimedia Commons podet essere insertadu cun su còdighe "[[File:NUMENEDESUFILE|thumb|DESCRITZIONE]]". ("Image:" si podet impreare in logu de "File:" chene cambiamentos, non faghet diferèntzia.) S'impreu de "thumb" gènerat una miniatura de un'immàgine (su sèberu de logu prus comunu), chi in gènere est dimensionada in manera diversa dae s'immàgine originale. Sèberos diferentes podent influire in subra de su logu e in sas dimensiones de un'antiprima e esistent unos àteros mètodos pro pònnere sas immàgines no in unu formadu de antiprima, a esèmpiu in una curnisa, tabella o "ricuadru informatziones", chi non tratamus inoghe.


VisualEditor

Screen inserta.png

Incarchende in s'icona "Documentu multimediale" as a abèrrere unu menù chi chircat in manera automàtica in intro de Wikimedia Commons e de sa wikipedia sarda sos documentos currelados a su tìtulu de sas pàgina chi ses mudende. Podes cambiare sa chirca iscriende carchi àtera cosa in su campu de chirca. Pro seberare unu archìviu, incarca in subra de sa miniatura de s'immàgine, in manera chi si s'immàgine siat posta in sa pàgina chi cheres mudare.

VisualEditor - Media editing 2.png

A pustis chi s'immàgine est istada insertada, un'àtera tàula de diàlogu s'at a abèrrere, permitende·ti de agiùnghere e modificare sa descritzione de s'immàgine. Podes fintzas agiùnghere una formatzione e unu ligàmene, cando bi serbint.

VisualEditor - Media editing 6.png

Sa tàula de diàlogu ti permitit de agiùnghere descritziones alternativas, pro agiudare sos impitadores chi usant letores automàticos o sunt disàbiles in carchi manera.

VisualEditor - Media editing 7.png

Podes sistemare meda paràmetros pro s'immàgine in sas "Impostatziones avantzadas", che a sas dimensiones, s'alliniamentu ecc.

VisualEditor - Media editing 8.png

Cando as agabbadu, incarca in "Àplica is càmbios" pro tancare sa tàula de diàlogu e torrare a sa pàgina de sas mudàntzias.

Pro àteros detàllios in subra de s'annanta de immàgines, abbàida Wikipedia:Picture tutorial

Pro àteras informatziones in subra de sa càrriga de documentos, abbàida Help:Introduction to uploading images/1

Creare pàginas noas

Unu vìdeu, in inglesu e sutatituladu in sardu, in subra de comente fàghere sas pàginas noas

In antis de creare una pàgina noa dae cara a sos recuisitos de sos riferimentos de Wikipedia. In pagas paràulas, s'argumentu de una pàgina si depet pòdere agatare in àteras fontes esternas, che a libros, giornales, sitos in rede e artìculos de chirca iscientìfica. Sas informatziones in Wikipedia depent èssere verificàbiles; si non b'at informatziones de carchi fonte esterna, tando non diat dèpere tènnere una pàgina sua. Non fatzas pàginas bòidas o semi-bòidas ca non serbint a nudda. Iscrie su chi podes, cun sos riferimentos, e pone totus sas informatziones rilevantes chi agatas. In antis de creare una pàgina noa, abbàida pro praghere si b'esistit giai o si si faeddat giai de cussu argumentu in carchi logu de wikipedia.

Pro àteros detàllios Wikipedia:Your first article

Pàginas amparadas

Unas cantas pàginas sunt amparadas e non si podent mudare.. Custas pàginas tenent su butone Abbàida su còdighe de orìgine in logu de Modìfica su còdighe de orìgine. Custas pàginas podent galu èssere modificadas, si depet fàghere dimanda a sos impitadores chi las ischint mudare.

Pro àteras informatziones abbàida Help:Protection


Proare

Pro proare a fàghere modìficas chene fàghere dannu in sas pàginas publicadas, podes impreare una Sandbox. Lu podes fàghere iscriende sandbox in su nùmene, pro esèmpiu Wikipedia:Tutorial/sandbox




Sighi su tutorial cun Furmatatzione