Wikipedia:Tutorial/Ligàmenes de Wikipedia

Dae Wikipedia, s'entziclopedia lìbera.


Introduida

Mudàntzias

Furmatatzione

Ligàmenes

Fontes

Cuntierras

Ammenta·ti

Registratzione

Resumu


Ligare sa pàginas de Wikipedia apare est de importu mannu. Custos ligàmenes sunt fàtziles de creare e permitint a sos impitadores de brincare dae una pàgina a s'àtera pro otènnere àteras informatziones subra su chi sunt leghende.

Cando ligare

Agiunghere ligàmenes a una pàgina est de importu, ma cando bi nd'ant tropu, podent distràere. Pro evitare tropu ligàmenes, dias dèpere fàghere su collegamentu a un'àtera pàgina petzi cando cussa paràula o fràsia aparit sa prima borta. Est fintzas racumandadu de non ligare a pàginas cun argumentos comunes, che a "mundu" o "istadu", mancari custas esistint in Wikipedia.

Pro àteras informatziones abbàida Wikipedia:Manual of Style/Linking

Wiki markup

Comente ligare

Unu vìdeo-tutorial, in inglesu, cun sos fundamentos de su wiki markup, chi incluint sos ligàmenes.

Pro pònnere unu ligàmene a un'àtera pàgina de Wikipedia include·la intre duas parèntesis cuadras, gasi:

[[Àtomu]]

chi aparit gasi a sos impitadores chi la bident: Àtomu

Si cheres ligare a una pàgina ma mustrare un'àteru testu pro su ligàmene, lu podes fàghere agiunghende una lìnia partzidora "|" (SHIFT + BACKSLASH in su tecladu QWERTY) sighida dae su testu alternativu. Pone su nùmene curretu de s'artìculu a su cale cheres mandare su ligàmene in antis de sa lìnia partzidora, e su testu chi cheres ammustrare a pustis. Duos esèmpios:

1. [[Sistema Internatzionale de Unidades de Medida|SI]] In sa pàgina definitiva su testu ammustradu at a èssere 'SI', e at a ligare a s'artìculu naradu 'Sistema Internatzionale de Unidades de Medida'.

2. [[Sòrighe (informàtica)|Sòrighe]] e [[Mus musculus|Sòrighe]] ant a èssere ammustrados ambos che a Sòrighe, ma ligant a pàginas diversas.

Podes fintzas ligare a una setzione dislindada de una pàgina faghende gasi:

[[Pàgina chi cheres#Setzione chi cheres|testu de ammustrare]]

Pro esèmpiu:

[[Sòrighe (informàtica)#Istòria|Istòria]]

aparit gasi: Istòria

Si cheres chi su testu aparit in cursivu o grassu, pone sas parèntesis intro de sos apòstrofos chi faghent su testu grassu o cursivu, gasi:

''[[Mastru de Otieri]]''

chi aparit gasi: Mastru de Otieri

Pro praghere dae cara a sos ligàmenes chi insertas in manera chi mandent a sos artìculos curretos. Comente pro sa paràula "sòrighe" chi rimandat a prus significados, b'at àteras pàginas cun su matessi problema, duncas est pretzisu dare cara e impreare pàginas de disambiguatzione, si serbit.

Pro àteras Informatziones, abbàida Help:Link

Categorias

Podes fintzas pònnere sas pàginas in categorias chi lis pertocant. A sa fine de s'artìculu iscrie [[Categoria:]], e pone su nùmene de sa categoria intre sos puntos e sa parèntesi. Pro esèmpiu, [[Categoria:Tutorials de Wikipedia]].

Est de importu mannu a pònnere sas categorias curretas, in manera chi sos impitadores potzant agatare in manera fàtzile su traballu tuo. Sa manera prus fàtzile pro agatare sas categorias chi podes pònnere est sa de chircare artìculos chi s'assimìgiant e abbaidare cale categorias tenent. Podes fintzas creare categorias noas ma, dae cara, faghe·lu petzi si ses seguru de su chi ses faghende, si nono lassa·lu a sos impitadores espertos.

Pro àteras informatziones abbàida Wikipedia:Categorization


Ligàmenes esternos

Pro agiunghere unu ligàmene chi mandat a foras, iscrie, intro de una sola paja de parèntesis, s'URL intreu de su ligàmene, sighidu dae un'ispàtziu e dae su testu chi s'at a ammustrare. Pro esèmpiu:

[http://www.esèmpiu.com/ Situ ufitziale]

at a mustrare su chi sighit:

Situ ufitziale

VisualEditor

Sos ligàmenes podent èssere annantos incarchende in subra de su butone chi aparit in susu a manca.


S'at a abèrrere unu menù de diàlogu in ue podes chircare intre ligàmenes de wikipedia in manera automàtica.


Sos ligàmenes esternos podent èssere annantos impreende su tastu "Ligàmene esternu", e ponende s'URL in s'ispàtziu de chirca. In gènere est mègius a impreare ligàmenes esternos petzi in s'ala finale de sa pàgina, in sa setzione Ligàmenes esternos.

Pro àteras informatziones abbàida Wikipedia:VisualEditor/User_guide#Editing_reference
Pro àteras informatziones abbàida Wikipedia:Simplified ruleset


Sighi su tutorial cun sas fontes