Astatu

Dae Wikipedia, s'entziclopedia lìbera.


Artìculu in LSC

S'àstatu in sa tàula periòdica de is elementos
Àstatu

S'àstatu o astatu (dae su gregu àstatos, "instàbile") est s'elementu chìmicu de nùmeru atòmicu 85 e su sìmbulu est At. Faghet parte de su grupu de is alògenos.

Si prodùet in natura de su decadessimentu radioativu de s'uràniu e de su tòriu e est su prus grae de is alògenos. Tenet unu tempus de ismesadura màssima de 8 oras e 30 minutos, pro cales est su segundu elementu naturale prus instàbile a pustis de su fràntziu.

Sos isòtopos de s'àstatu non gosant de vida bastante longa pro nde pòdere istudiare is propiedades, ma is medidas ispetroscòpicas lassant pensare a caraterìsticas parìbiles a is de su jòdiu – comente custu ùrtimu, est dàbile chi si potzat acumulare in sa glàndula tiroidea. Cunsideros teòricos faghent ipotizare chi s'astatu tèngiat unu caràtere metàllicu prus marcadu de su jòdiu. Carchi reatziones elementares in ue est interessadu s'astatu sunt istadas giutas e istudiadas de chircadores de su Brookhaven National Laboratory de New York.

Cun sa possìbile etzetzione de su fràntziu, s'àstatu est su prus raru elementu in natura. S'istimat chi su còrgiu terreste intreu nde cuntèngiat in totu prus pagu de 28 grammos.

Àteros progetos[modìfica | modìfica su còdighe de orìgine]