Limbas romanzas meridionales

Articulu in nugoresu

Còssiga e Sardigna

Sas limbas romanzas meridionales sunt unu supostu suta-grupu de sa familia romanza chi in sa forma currente ant propostu Ethnologue et Glottolog, ma chin pacos limbistas a bi esser de accordu.

Sicundu a Ethnologue, s'agorru limbisticu diat a cumprender su sardu e su corsicanu, chin su gadduresu e tataresu fachende parte de su sardu.

Sa sientzia limbistica, pro su prus, ponet su corsicanu in suta de s'ala italo-dalmatica, a curtzu de su toscanu, mentras chi su sardu si tenet in cunsideru comente una limba a banda dae su grupu italianu.

Su filologu Heinrich Lausberg fuit su primu a partzire su mundu de limba romanza ind unu grupu otzidentale (ispagnolu, portughesu, cadelanu, frantzesu, e gai sichinde), unu grupu orientale (italianu/corsicanu, dalmaticu, rumanu) e unu grupu meridionale, chi bidiat s'estintu latinu de s'Africa, su corsicanu chistionau in antis de s'influentzia toscana e, infinas, su sardu modernu, chi est su solu a istare in pede oje in die.

Classificatzione

• Corsicanu (Corsu) - Cossiga.
• Sardu:
  • Logudoresu - Sardigna;
  • Campidanesu - Sardigna;
  • Gadduresu - Sardigna;
  • Tataresu - Sardigna.