Heinz Jürgen Wolf

Dae Wikipedia, s'entziclopedia lìbera.
Jump to navigation Jump to search
Custu artìculu est iscritu cun sa grafia Flag of Sardinia, Italy.svgLimba Sarda ComunaFlag of Sardinia, Italy.svg. Abbàida sas àteras bariedades gràficas:

campidanesu · logudoresu · nugoresu

Heinz Jürgen Wolf
Nàschida1936
Düsseldorf
Morte2016
Bonn
Natzionalidadetedesca
Alma mater
  • Universidade de Colònia
  • Universidade de Aix-Marseille
Traballulinguista, professore universitàriu
Positzione de traballuprofessore ordinàriu de linguìstica romanza
Interessos printzipalesfonètica istòrica, formatzione de sas paràulas, dialetològia e toponomàstica
Campu(os)linguìstica romanza
Universidade de Bonn

Heinz Jürgen Wolf (Düsseldorf, Germània 1936 - Bonn 2016)[1][2][3], est istadu unu linguista tedescu.

At istudiadu romanìstica, anglìstica e filosofia in sas universidades de Colònia e de Aix-en-Provence, laureende·si in frantzesu e inglesu in su 1962. A pustis at cungruidu unu dotoradu de chirca in s'universidade de Colònia cun unu traballu subra de sos nùmenes ètnicos frantzesos, Die bildung der französischen Ethnica (1967). Cunsighida sa dotzèntzia lìbera in su 1970, est ordinàriu de Linguìstica romanza in s'universidade de Bonn dae su 1974. At iscritu paritzos traballos subra de sas limbas romanzas, mescamente s'italianu e su frantzesu e, dae su 1983, finas su sardu; in particulare s'est ocupadu de fonètica istòrica, formatzione de sas paràulas, dialetologia e toponomàstica. Intre sas publicatziones suas tocat de mentovare Glosas Emilianenses (1991), una monografia subra de su navarru-aragonesu antigu, e Französische Sprachgeschichte (1979), un'istòria de sa limba frantzesa. In particulare, subra de su sardu at publicadu Studi barbaricini (1992), una regorta de istùdios e Toponomastica barbaricina (1998), subra de sa toponomàstica de noe biddas de sa Barbàgia.

In su 2016, gràtzias a sa voluntade de sa fìgia Mimi e de sa mugere Sìlvia, sa Sotziedade pro sa Limba Sarda at otentu in donu totu sa biblioteca sua, chi est istada tramudada a Nùgoro pro formare una biblioteca de istùdios linguìsticos intitulada a issu e aberta a totus.[4]

Unas cantas òperas[modìfica | modìfica su còdighe de orìgine]

Notas[modìfica | modìfica su còdighe de orìgine]

  1. Diegu Corràine, Heinz Jürgen Wolf nos nch'at lassadu, in Limbas&Natziones de su Tempus Nostru, 29 martzu 2016. URL consultadu su 25 làmpadas 2019.[ligàmene interrùmpidu]
  2. Cunferèntzia in Ovodda pro regordare a su linguista tedescu Heinz Jürgen Wolf, in LinkOristano, 8 làmpadas 2019. URL consultadu su 25 làmpadas 2019.
  3. (DE) Nachruf auf Prof. Dr. Heinz Jürgen Wolf (1936 – 2016), in www.romanistik.de. URL consultadu su 25 làmpadas 2019.
  4. Biblioteca de Istùdios Linguìsticos Heinz Jürgen Wolf, in SLS · Sotziedade pro sa Limba Sarda, 20 martzu 2021. URL consultadu su 30 abrile 2021.


Controllu de autoridadeVIAF (EN49274993 · ISNI (EN0000 0000 8380 7117 · BNE (ESXX1186293 (data) · BNF (FRcb12210540m (data) · CiNii (JAENDA13149754 · GND (DE121235688 · LCCN (ENn94098452 · NTA (EN067758835 · SUDOC (FR030752175 · WorldCat Identities (ENn94-098452