Jubanne Piga

Jubanne Piga
Àteros nùmenes	Giovanni Piga; Giuanne Piga; Juvanne Piga;
Nàschida	1940; Nùgoro
Natzionalidade	sarda
Tzitadinàntzia	italiana
Fìgiu/a(os/as)	Mariantonietta Piga
Traballu	poeta, iscritore, presidente e membru de cuncursos de prèmios de poesia sarda, impiegadu de s'ISRE, cunsigieri e presidente de su Consòrtziu pro sa Leghidura Pùblica Bustianu Satta de Nùgoro
Professione	Impiegadu de s'Istitutu superiore regionale etnogràficu, cunsigieri e presidente de su Consòrtziu pro sa Leghidura Pùblica Bustianu Satta de Nùgoro
Incumintzu de s'atividade	1981
Prèmios	Prèmiu Otieri (1981); ; Prèmiu Romàngia (1981); ; Prèmiu Nosside de Règiu Calàbria; ; Prèmiu Montanaru de Dèsulu; ; Prèmiu Casteddu de sa Fae de Pasada (2015); ; Tzitadinàntzia onorària de Pasada, pro su traballu suo poèticu, literàriu e pro sa cultura sarda in generale (2016); ; Prèmiu Otieri pro sa prosa (2020);

Custu artìculu est iscritu cun sa grafia

Limba Sarda Comuna

. Abbàida sas àteras bariedades gràficas:

campidanesu · logudoresu · nugoresu

Jubanne Piga (Nùgoro, 1940) est unu poeta e iscritore sardu. Unu de sos poetas modernos prus apretziados de s'Ìsula, at iscritu pro annos in sa grafia de sa variante sua de sa limba sarda, su nugoresu, e, dae su 2017, fintzas in LSC.^[1] At ghiadu e ghiat cuncursos de poesia sarda e àteras medas initziativas pro sa limba sarda, e in àteras est membru de sas cummissiones. Est su babbu de Mariantonietta Piga, giornalista e, comente a issu, ativista pro sa limba sarda.

Biografia

Fìgiu e nebode de poetas, at incumentzadu a publicare poesias modernas in su 1981, a pustis de àere fatu pràtica cun sa poesia orale e cun cussa in rima. In cuss'annu at pigadu su primu prèmiu in su Prèmiu Otieri (cun sa poesia Su dubbiu 'e s'anima) siat su Prèmiu Romàngia. In su matessi annu, in Nùgoro, fundat su prèmiu de poesia "Barbagia", chi at a ghiare pro medas annos.^[2]

In su 1983 at publicadu sa prima regorta de poesias suas, Su dubbiu 'e s'anima: poesie bilingui, cun un'introdutzione de Pàulu Pillonca, chi chistionat de "memòria de su tempus coladu chi no est mai prègiu oghiteri de formas mortas ma si mantenet semper tentada e dignitosa", de "cara dada a sos balores umanos postos in crisi dae sa sotziedade tecnològica" e de "anàlisi intimìstica: su càntigu de chie semus - ite bolimus - a ue andamus".^[3]^[4]

Dae su 1991 at incumentzadu a fàghere de presidente in su cuncursu de poesia sarda "Sant’Antoni ’e su O'u'" de Mamujada, chi at presididu finas a oe.^[5]

In su 1992 at publicadu su primu romanzu suo, Sas andalas de su tempus, in sardu cun bortadura in italianu. In su 1993, semper cun s'ARPEF de Nùgoro, at publicadu Sa boche 'e su contone. Satiras, una regorta de sàtiras suas.^[6]

In su 1995 at publicadu sa de tres regortas de poesias suas, Bentu 'e iscra ruja, chi Antoni Romagnino at definidu comente "espressione de una "interioridade chi si reconnoschet in sa soledade ebbia", ma fintzas de unu remenu tzivile chi giughet s'autore a si collocare "a intro sa gente sua".^[7]

In su 1999 pùblicat Bentu 'e janas: contos e paristorias, una regosrta de paristòrias, semper in sardu cun bortadura in italianu.

In su 2003 e in su 2013 arribant, imbetzes, àteras duas regortas de poesias suas: Frunzas e Predas arbas - Pietre bianche.

In su 2015 su de duos romanzos suos, Sa Vida Cuada, benit premiadu in Pasada, cun su Prèmiu pro sa literadura sarda "Casteddu de sa Fae".^[8]^[9] L'at a publicare, in su 2017, in grafia LSC, sa domo editora Papiros.^[10]^[1]

In su 2021 at retzidu su prèmiu pro sa setzione prosa de sa de 61 editziones de su prèmiu Otieri, pro su contu Su Sindacalista.^[11]

Jubanne Piga, in prus che poeta e iscritore, est istadu fintzas, pro annos, Impiegadu de s'Istitutu superiore regionale etnogràficu e cunsigieri e presidente de su Consòrtziu pro sa Leghidura Pùblica Bustianu Satta de Nùgoro.^[2]^[5] Ativista culturale de importu mannu, at traballadu pro sa limba sarda in ocasiones medas pro deghinas de annos.

Prèmios

Jubanne Piga at bìnchidu prèmios medas in sa carriera longa sua de poeta e iscritore, siat pro sa poesia siat pro sa narrativa. Custa est una lista partziale:^[6]^[2]^[5]^[9]^[8]

Prèmiu Otieri (1981) pro sa poesia Su dubbiu 'e s'anima
Prèmiu Romàngia de Sènnaru (1981)
Prèmiu Nosside de Règiu Calàbria
Prèmiu Montanaru de Dèsulu
Prèmiu Casteddu de sa Fae de Pasada (2015)
Tzitadinàntzia onorària de Pasada, pro su traballu suo poèticu, literàriu e pro sa cultura sarda in generale (2016)

Òperas publicadas

(SC, IT) Giovanni Piga, Su dubbiu 'e s'anima: poesie bilingui, Nùgoro, ARPEF, 1983, OCLC 879922729.
(SC, IT) Giovanni Piga, Sa boche 'e su contone. Satiras, Nùgoro, ARPEF, 1985.
(SC, IT) Giovanni Piga, Sas andalas de su tempus: romanzu sardu, Casteddu, Edizioni Castello, 1992, OCLC 879877057.
(SC, IT) Giovanni Piga, Bentu 'e iscra ruja = Vento grecale: poesie in lingua nuorese, Casteddu, Tema, 1995, OCLC 41346906.
(SC, IT) Giovanni Piga, Bentu 'e janas: contos e paristorias = Vento di fate: racconti e leggende, Nùgoro, Solinas, 1999, OCLC 879808594.
(SC, IT) Giovanni Piga, Frunzas: poesias, S'Alighera, Nemapress, 2003, OCLC 1085656980.
(SC, IT) Giovanni Piga, Predas arbas - Pietre bianche - Poesias, Patiolla, Grafica del Parteolla, 2013, ISBN 9788867910175.
Jubanne Piga, Sa Vida Cuada, Nùgoro, Papiros, 2017, ISBN 978-88-98035-30-4.

Riferimentos

↑ ^1.0 ^1.1 Anthony Muroni, Cras in Casteddu su romanzu in sardu de Jubanne Piga 'Sa vida cuada', in AnthonyMuroni.it, 23 martzu 2018. URL consultadu su 9 làmpadas 2020 (archiviadu dae s'url originale su 7 austu 2020).
↑ ^2.0 ^2.1 ^2.2 (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, p. 230, ISBN 88-88569-61-8, OCLC 77504100.
↑ (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, p. 230, ISBN 88-88569-61-8, OCLC 77504100.
«Paolo Pillonca parla di "memoria del passato che non è mai languido compiacimento di forme morte ma si mantiene sempre sorvegliata e dignitosa"; di "attenzione ai valori umani messi in crisi dalla sociatà tecnologica"; e di "analisi intimistica: il canto di chi siamo - cosa vogliamo - dove andiamo"».
↑ (SC, IT) Giovanni Piga, Su dubbiu 'e s'anima: poesie bilingui, 1983, OCLC 879922729.
↑ ^5.0 ^5.1 ^5.2 (IT, SC) Luigi Ladu, Giovanni Piga (biografia e unas cantas poesias), in www.luigiladu.it. URL consultadu su 9 làmpadas 2020.
↑ ^6.0 ^6.1 Giovanni Piga, in SBS - Servìtzios Bibliogràficos Sardos. URL consultadu su 9 làmpadas 2020.
↑ (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, p. 230, ISBN 88-88569-61-8, OCLC 77504100.
«espressione di una "interiorità che esclusivamente si riconosce nella solitudine", ma anche di un impegno civile che conduce l'autore a collocarsi "dentro la sua gente"».<nowiki>
↑ ^8.0 ^8.1 (IT) Mauro Piredda, Posada, a Giovanni Piga il premio “Casteddu de sa Fae” 2015. La prossima edizione sarà intitolata a Larentu Pusceddu, in Siniscola Notizie, 18 abrile 2016. URL consultadu su 9 làmpadas 2020.
↑ ^9.0 ^9.1 (IT) Letteratura sarda, vince Piga, in La Nuova Sardegna, 19 abrile 2016. URL consultadu su 9 làmpadas 2020.
↑ Sàbadu 24 de martzu, in Casteddu, presentada de "Sa vida cuada" de Jubanne Piga - Limba Sarda 2.0, in Limba Sarda 2.0, 21 martzu 2018. URL consultadu su 9 làmpadas 2020.
↑ (IT) Ozieri premia la prosa di Jubanne Piga, in La Nuova Sardegna, 16 martzu 2021. URL consultadu su 18 martzu 2021 (archiviadu dae s'url originale su 28 làmpadas 2021).

Bibliografia

(IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, ISBN 88-88569-61-8, OCLC 77504100.
(IT) Francesco Casula, Letteratura e civiltà della Sardegna. Vol. 2, Patiolla, Ed. Grafica del Parteolla, 2013, ISBN 978-88-6791-018-2, OCLC 931462627.

Ligàmenes esternos

(IT, SC) Luigi Ladu, Giovanni Piga (biografia e unas cantas poesias), in www.luigiladu.it. URL consultadu su 9 làmpadas 2020.
Sa Literadura Sarda - Jubanne Piga, in YouTube.

Controllu de autoridade	VIAF (EN) 78166752 · LCCN (EN) n2004026041 · OL OL431622A · RERO 02-A003694095 · WorldCat Identities (EN) n2004-026041

[:4-1] 1.0 ^1.1 Anthony Muroni, Cras in Casteddu su romanzu in sardu de Jubanne Piga 'Sa vida cuada', in AnthonyMuroni.it, 23 martzu 2018. URL consultadu su 9 làmpadas 2020 (archiviadu dae s'url originale su 7 austu 2020).

[:0-2] 2.0 ^2.1 ^2.2 (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, p. 230, ISBN 88-88569-61-8, OCLC 77504100.

[3] (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, p. 230, ISBN 88-88569-61-8, OCLC 77504100.
«Paolo Pillonca parla di "memoria del passato che non è mai languido compiacimento di forme morte ma si mantiene sempre sorvegliata e dignitosa"; di "attenzione ai valori umani messi in crisi dalla sociatà tecnologica"; e di "analisi intimistica: il canto di chi siamo - cosa vogliamo - dove andiamo"».

[4] (SC, IT) Giovanni Piga, Su dubbiu 'e s'anima: poesie bilingui, 1983, OCLC 879922729.

[:1-5] 5.0 ^5.1 ^5.2 (IT, SC) Luigi Ladu, Giovanni Piga (biografia e unas cantas poesias), in www.luigiladu.it. URL consultadu su 9 làmpadas 2020.

[:5-6] 6.0 ^6.1 Giovanni Piga, in SBS - Servìtzios Bibliogràficos Sardos. URL consultadu su 9 làmpadas 2020.

[7] (IT, SC) Salvatore Tola, 50 anni di premi letterari in lingua sarda, 1. ed, Selàrgius, Domus de Janas, 2006, p. 230, ISBN 88-88569-61-8, OCLC 77504100.
«espressione di una "interiorità che esclusivamente si riconosce nella solitudine", ma anche di un impegno civile che conduce l'autore a collocarsi "dentro la sua gente"».<nowiki>

[:2-8] 8.0 ^8.1 (IT) Mauro Piredda, Posada, a Giovanni Piga il premio “Casteddu de sa Fae” 2015. La prossima edizione sarà intitolata a Larentu Pusceddu, in Siniscola Notizie, 18 abrile 2016. URL consultadu su 9 làmpadas 2020.

[:3-9] 9.0 ^9.1 (IT) Letteratura sarda, vince Piga, in La Nuova Sardegna, 19 abrile 2016. URL consultadu su 9 làmpadas 2020.

[10] Sàbadu 24 de martzu, in Casteddu, presentada de "Sa vida cuada" de Jubanne Piga - Limba Sarda 2.0, in Limba Sarda 2.0, 21 martzu 2018. URL consultadu su 9 làmpadas 2020.

[11] (IT) Ozieri premia la prosa di Jubanne Piga, in La Nuova Sardegna, 16 martzu 2021. URL consultadu su 18 martzu 2021 (archiviadu dae s'url originale su 28 làmpadas 2021).

[1]

[2]

[3]

[4]

[5]

[6]

[7]

[8]

[9]

[10]

[11]