Gabòn

Custu artìculu est iscritu in sa grafia logudoresa. Abbàida sas àteras bariedades gràficas:

campidanesu · LSC · nugoresu

Sa bandela

Localizatzione in su continente africanu

Gabòn (in frantzesu:République Gabonaise)est una natzione de s'Àfrica, situada in s'equadore in sa costa ovest de s'Africa Centrale. Sa capitale sua est Libreville. Sa limba ufitziale est su frantzesu.

Allàcanat a norte cun sa Guinea Ecuatoriale e su Camerùn, a nord-est, est e sud cun sa Repùblica de su Congo, a ovest s'incarat subra su Golfu de Guinea. Òcupat una superfìtzie de 267.667 km² e contat 2.119.275 abitantes.

Guvernadu dae presidentes autocràticos dae su momentu de s'indipendèntzia dae sa Frantza otenta su 17 de austu de su 1960, su Gabòn at introdùidu unu sistema multipartidicu e una costitutzione noa a su cumintzu de sos annos noranta, chi at permìtidu unu protzessu eletorale pius trasparente e sa reforma de sas istitutziones guvernativas.

S'economia de su Gabon est printzipalmente ligada a su petroliu, difattis custu settore rappresentada su 46% de sas bintradas de su guvernu e s'81% de sas esportaziones. Meda importantes sunu puru sas risorsas de su linnamine, diffattis ada 20 milliones de ettaros de foresta tropicale. Attualmente b'ada conflittos in attu pruite sa popolazione est chirchende de frenare sa deforestazione chi sun ponzende in attu zertas multinatzionales, in su matessi tempus su guvernu est ponzende in attu unaserie de iniziativas de produtziones de linnamine rispettosa de s'ambiente.

Su fatu de àere populatzione pagu numerosa, unidu a sas risursas naturales abundantes e a sos investimentos istranzos ant azudadu a fàghere de su Gabòn una de sas natziones pius pròsperas de sa rezone e de su continente africanu.