Repùblica Democràtica de su Congo

Articulu in logudoresu

Bandera

Posidura in su continente africanu

Sa Repùblica Democràtica de Congo (narada fintzas Congo, Congo-Kinshasa o ex-Congo belga) est un'istadu de s'Àfrica tzentrale. Sa capitale est Kinshasa.

At istèrrida de 2.345.410 km² pro unos 100.000.000 abitantes. Su norte de s'istadu est una de sas pius àreas mannas de silva ecuadoriale in su mundu; sa zona orientale s'afachiat a su rift est-africanu mannu, àrea de montes, de montigros, de lagos mannos, ma fintzas de vulcanos. Su sud e sa zona tzentrale, àrea de savana cun arbures, format unu pianu ricu de minerales. In su chirru estremu a ovest, una barantina de chilòmetros a norte de sa foghe de su riu Congo s'isvilupat sa costa in s'otzèanu Atlànticu.

Est s'istadu francòfonu pius populadu in su mundu. Vàrias chentinas de etnias formant sa populatzione de s'istadu. S'economia est printzipalmente de su setore primàriu (agricultura e bogadura minerària). Su paisu possedit unas risursas naturales immensas. Su frantzesu est sa limba ufitziale e bator limbas bantù (kikongo, lingala, tshiluba, swahili) sunt reconnotas a limbas natzionales.

Dae su 1908 a su 1960 custa colònia fiat istada narada «Congo belga», comente fintzas «Congo-Léopoldville» dae su nùmene de sa capitale (Léopoldville fintzas a su 1966, data de sa càmbiu de denumenatzione de sa capitale in Kinshasa). De su 1971 a su 1997 fiat istada ufitzialmente nodida cun su nùmene de Zaire.