Tennessee

Dae Wikipedia, s'entziclopedia lìbera.
Jump to navigation Jump to search

Coordinatas: 36°N 86°W / 36°N 86°W36; -86

Flag of Sardinia, Italy.svg
Artìculu in LSC
Flag of Sardinia, Italy.svg

Su Tennessee, inditadu in ruju in sa mapa de sos Istados Unidos de Amèrica
Bandera de su Tennessee

Su Tennessee (/tɛnɨˈsiː/) (in Limba Cherokee: ᏔᎾᏏ, Tanasi) est unu istadu federadu de sos Istados Unidos de Amèrica chi est postu in sa regione Sud-orientale de sa natzione. Sa capitale est Nashville, sa prus manna tzitade Memphis.

Allàcanat in su Nord cun Kentucky e Virgìnia, in s'Est cun sa Carolina de Nord, sa Geòrgia, s'Alabama e su Mississippi in su Sud, in s'Ovest cun Arkansas e Missouri.

A su chirru Est de s'istadu s'agatant sos Montes Apalacos, sa làcana de Ovest est dada de su frùmene Mississippi.

Su territòriu chi oe est Tennessee fiat unu tempus parte de sa Carolina de Nord e a coa parte de su Territòriu de Sud-Ovest. Fiat ammìtidu comente istadu de 16 su 1 de làmpadas 1796.

A s'iscòpiu de sa Gherra Tzivile, su Tennesse fiat s'istadu chi a ùrtimu aiat lassadu s'Unione pro s'aunire a sos Istados Cunfederados de Amèrica. Est fintzas istadu su primu a torrare a b'intrare cun s'acabu de sos cumbatimentos.

Noantamas fiat su chi prus at fornidu s'esèrtzitu cunfederadu de armas e sordados.

A pustis de sa gherra su Tennessee teniat a primìtziu una politica liberale, ma a sa fine de sos annos 80 de su sèculu XIX aiat imbetzes aprovadu leges chi escludiant sos pòburos - e duncas sa majoria de sa populatzione niedda - de su deretu de votu. Custa cunditzione at tentu durada fintzas a sa metade de su sèculu in fatu.

In su sèculu XX su Tennessee est passadu de una economia mascamente basada subra sa massaria, a una prus disvariada, gràtzias fintzas a sos agiudos de imbestimentos federales, cun sa Tennesse Valley Authority, e s'istabilida de sa sede de su Progetu Manhattan in sa tzitade de Oak Ridge.

In s'istòria de sa cultura americana su Tennesse at giogadu unu rolu de importu prus a totu pro su chi pertocat sa mùsica, duncas su rock and roll, su blues, su country e su rockabilly.

Su nomìngiu est "The Volunteer State" (S'Istadu Volunteri).

Àteros progetos[modìfica | modìfica su còdighe de orìgine]