Ìsulas Vìrgines Americanas

Dae Wikipedia, s'entziclopedia lìbera.

Coordinadas: 18°20′N 64°50′W / 18.333333°N 64.833333°W18.333333; -64.833333


Artìculu in LSC

Bandera
Posidura in su mundu
Mapa de is ìsulas

Is Ìsulas Vìrgines Americanas (in inglesu:United States Virgin Islands) , ufitzialmente Ìsulas Vìrgines de Istados Unidos, sunt unu grupu de ìsulas de is Caràibes, chi nde cumponent un'àrea insulare. Geograficamente sunt parte de s'artzipèlagu de is Ìsulas Vìrgines, in is Antillas Minores. Sa capitale est Charlotte Amalie.

Is ìsulas printzipales sunt Saint Croix, Saint John e Saint Thomas (in ue s'agatat sa capitale), impare a unas àtera dosina de ìsulas minores a inghiriu issoro. Su territòriu totale ammuntat 346,4 km²,cun populatzione de unos 106.500 bividores, in majoria afro-caraìbicos.

Sa faina prus importante de s'artzipèlagu est rapresentada dae su turismu, ma bi s'agatat fintzas unu setore de manifatura bastantemente isvilupadu. Sa massaria est antimes praticada in iscala minimada in s'ìsula de Saint Croix.

In tempos andados is ìsulas faghiant parte de is Indias Otzidentales Danesas, parte de s'impèriu coloniale de su rennu de Danimarca e Norvègia. Fiant bèndidas a is Istados Unidos dae sa Danimarca cun su Tratadu de is Indias Otzidentales Danesas de su 1916.

Classificadas dae is Natziones Unidas Territòriu non autònomu, sunt currentemente unu territòriu organizadu no incorporadu de is Istados Unidos.

Àteros progetos[modìfica | modìfica su còdighe de orìgine]