Barbados

Dae Wikipedia, s'entziclopedia lìbera.

Coordinadas: 13°10′12″N 59°33′09″W / 13.17°N 59.5525°W13.17; -59.5525


Artìculu in LSC

Bandera
Posidura in su mundu

Barbados est un'istadu insulare de s'Amèrica Tzentrale, a sas Antillas Minores. Est formadu dae s'ìsula omònima, posta in s'otzèanu Atlànticu, a s'est de Saint Vincent e sas Grendinas. Antiga colònia britànnica, est indipendente dae 1966. Tenet una populatzione deunos 284.700, chi si cuntzentrat mescamente in sa capitale, Bridgetown.

Barbados est un'ìsula relativamente prana: su puntu prus artu est su Monte Hillaby, chi agiùnghet sos 338 mslm. Est sa prus orientale de sas Antillas Minores, sa cadena de ìsulas chi agatamus in su mare de sos Caràibes, intre custu e s'otzèanu Atlànticu. Su clima est tropicale cun temperaduras de unos 25º totu s'annu e un'istasone proina de su mese de làmpadas a su mese de santugaine. Allindadas dae iscòllios coraddinos, si cumponet mescamente de terra calcàrea e vulcànica.

Fiat su 1536 cando s'esploradore portughesu Pedro A. Campos chi in orìgine li aiat dadu su nùmene de "Os Barbados" ("Sos barbudos") pro s'aparèntzia de sos àrbures de figu de s'ìsula, sos cales teniant raighinas aèreas assimigiantes a "barbas".

Sende gasi, s'ìsula fiat abarrada disabitada fintzas a cando sos britànnicos aiant comintzadu sa colonizatzione su 1627, mancari carchi tribù Amerìndias bi aiat bìvidu annos in antis. Pagos annos a pustis (1652) fiat istada cunvèrtida in poderiu britànnicu. Fiat torrada a populare cun iscraos chi traballaiant in sas prantàrgias de tzùcaru fintzas a cando in su 1834 fiat abolida s'iscravidade.

Sas riformas sotziales e polìticas intre sos annos '40 e '50 ant batidu a s'indipendèntzia dae su Regnu Unidu in su 1966,[1] mancari dae sas eletziones de 1961 giai teniant unu gradu forte de indipendèntzia dae s'Impèriu. Noantimes, est abarradu membru de su Commonwealth de sas Natziones comente monarchia cun a cabu su soberanu britànnicu. Su 30 de onniasantu de su 2021 Barbados s'est torradu a costituire repùblica.[2]

Sa majoria de sa populatzione atuale de Barbados est afrobarbadiana, est a nàrrere niedda e mulata chi tenent antepassados africanos.

Àteros progetos[modìfica | modìfica su còdighe de orìgine]

Notas[modìfica | modìfica su còdighe de orìgine]

  1. legislation.gov.uk, http://www.legislation.gov.uk//ukpga/1966/37.
  2. (EN) Barbados becomes a republic and parts ways with the Queen, in bbc.com.