Panamá

Dae Wikipedia, s'entziclopedia lìbera.

Coordinatas: 8°37′N 80°22′W / 8.616667°N 80.366667°W8.616667; -80.366667

Flag of the Italian region Sardinia.svg
Articulu in LSC
Flag of the Italian region Sardinia.svg

Posidura de Panamá in s'Amèrica Tzentrale
Bandera de Panamá

Panamá  [panaˈma], uffitzialmente Repùblica de Panamá (in ispagnolu: República de Panamá [reˈpuβlika ðe panaˈma]), est s'istadu prus meridionale de s'Amèrica Tzentrale. Sa capitale est Panamá, sa limba uffitziale s'ispagnolu.

Geografia[modìfica | edit source]

S'istadu tenet istèrrida de 78.200 km² e populatzione de unos 3.700.000 bividores. S'agatat postu in s'istmu chi aunit su sub-cuntinente nordaemericanu cun su sudamericanu. Allacanat in su norti cun su Costa Rica e in su su cun sa Colòmbia.

Istòria[modìfica | edit source]

In antis de s'arribu de is ispagnolos in su sèculu de 16, su territòriu de Panamá fiat bìvidu de medas tribùs indìgenas.

S'indipendentzia de s'Ispagna dd'at balangiada in su 1821, aunida cun Colòmbia (tando narada Nueva Granada), Ecuador e Venezuela in sa Repùblica de Gran Colombia.

A s'iscontzu de sa Gran Colòmbia in su 1832, isceti Panamá fiat abarrada aunida a Nueva Granada chi a coa aiat pigadu su nùmene de Repùblica de Colòmbia. Cun s'apògiu de is Istados Unidos Panamá s'est pois pòdida ischirriare e diventare istadu indipendente in su 1903.

A s'indipendèntzia est cussighida sa fraigadura de su Canale de Panamá, chi est istada fata de s'esèrtzitu USA intre de su 1904 e su 1914. In su 1977, est istadu firmadu unu acòrdiu chi afiantziaiat sa tramudadura de su canale de is Istados Unidos a Panamá cun s'acabu de su sèculu de 20. Sa tramudadura at tentu atu su 31 de nadale 1999.

Economia[modìfica | edit source]

Su traficu atraessu su canale rapresentat galu una parte importate de sa richesa de s'istadu, chi bantat sa segunda economia prus manna de s'Amèrica Tzentrale, sa cun crèschida prus lestra e su prus artu consumu peròmine.

In su 2013 Panamá est imbàtida a sa de 5 posiduras in sa classìfica de s'isvilupu umanu intre de is istados latinu-americanos e a sa de 20 posiduras in sa classìfica mundiale.

Àteros progetos[modìfica | edit source]