Lòcula

Dae Wikipedia, s'entziclopedia lìbera.

Coordinadas: 40°24′22.23″N 9°36′34.57″E / 40.406176°N 9.609604°E40.406176; 9.609604

Custu artìculu est iscritu cun sa grafia Limba Sarda Comuna. Abbàida sas àteras bariedades gràficas:

campidanesu · logudoresu · nugoresu

Lòcula est una bidda de sa Provìntzia de Nùgoro in sa Baronia, s'agatat a 26 metros subra su mare e giughet 505 bividores.

Su sartu[modìfica | modìfica su còdighe de orìgine]

Lòcula est una bidda de 505 ànimas a 26 metros de ar­tària, in su passiale de su riu Tzedrinu e intundada dae montigheddos galanos. Su nùmene Lòcula paret chi siat nàschidu dae sa limba latina: Locus, chi cheret nàrrere pa­dente sacra.

Su tempus prus antigu chi contat animidade in Lòcula est a seguru su tempus neolìticu e de custu si faghent a testimòngios sas domus de gianas chi s’agatant a curtzu a sa bidda. Dae tando su sar­tu de Lòcula l'ant abitadu culturas medas, testimoniadas custas puru dae deghe nuraghes, tres tumbas de gigantes, e una pedra fita.

Comente atopare[modìfica | modìfica su còdighe de orìgine]

Dae Casteddu, sunt 218 km, pigare sa 131 conca a Tàtari fintzas a s’iscassadòrgiu de Abbasanta e intrare in sa 131/dir. conca a Nùgoro. Colada sa tzitade sighire conca a Thiniscole-Terranoa, a s’iscassa­dòrgiu de Lùvula-Durgali-Orosei intrare in sa SP 125 conca a Orosei fìntzas a s’iscassadòrgiu pro Irgoli.

Dae Tàtari, sunt 150 km, pigare sa 131 conca a Casteddu fintzas a s’iscassadòrgiu de Macumere e intrare in sa SS131/dir. conca a Nùgoro. Colada sa tzitade sighire conca a Thiniscole-Terranoa e a s’iscassadòrgiu de Lùvula-Durgali-Orosei intrare in sa SP 125 conca a Orosei fintzas a s’iscassadòrgiu pro Irgoli.

Dae Terranoa sunt 80 km; pigare sa 131/dir. conca a Nùgoro; si nche colat Thiniscole e si sighit fintzas a s’iscassadòrgiu de Lùvula-Durgali-Orosei, intrare in sa SP 125 conca a Orosei fintzas a s’iscassadòrgiu pro Irgoli.

S'economia[modìfica | modìfica su còdighe de orìgine]

Lòcula est una bidda cun montigheddos medas e tenet un'economia de massaria e pastoriu. In sos ùrtimos tempos in sa bidda si produit casu bene numenadu, comporadu in àteras biddas e esportadu foras de sa Sardigna. In su sartu si produit fintzas ògiu ghermanu, binu e mèndula.

In custos ùrtimos annos est torrada meda s'arte de sos maistros de su logu e de su turismu. Unu grabu nou pro dare prus balia a sas galanias naturales e pro nche torrare sas traditziones populares chi renessent a bogare a campu àtera economia.

Sas festas[modìfica | modìfica su còdighe de orìgine]

  • 16 de ghennàrgiu: festa de Sant'Antoni, a su sero s'allughent sos fogos in medas pratzas de sa bidda;
  • 18 ghennàrgiu: festa de Santu Pedru, su patronu de Lòcula. A totu sos presentes si dat a mandigare e a bìere.
  • Ùrtima domìniga de austu: festa de Sa Defessa.

Bibliografia[modìfica | modìfica su còdighe de orìgine]

  • Joyce Mattu, Lòcula, in Biddas de sa provìntzia de Nùgoro, Ufìtziu Limba Sarda de sa Provìntzia de Nùgoro, 2014, p. 44.
  • (IT) Francesca Chessa, Loculi: Storia e Sviluppo di un Territorio, Nùgoro, F. Devilla, 1997.
  • (IT) Lussorio Monne, Loculi ieri e oggi, Nùgoro, La Poligrafica di Solinas, 1986.

Ligàmenes esternos[modìfica | modìfica su còdighe de orìgine]

Controllu de autoridadeVIAF (EN243256802 · GND (DE7731053-6 · WorldCat Identities (EN243256802